澳洲潛規則比英國少好多但又有點相似,所以跟到小弟之前嗰篇《英國潛規則》都應該唔會太失禮太尷尬。以下幾點應該可能係澳洲獨有,之前真係聞所未聞:Tall poppy syndrome -澳洲人喜歡將一啲自負、認叻或出衆嘅人拖下來、批評甚至恥笑他們。所以做一個看似中規中矩冇乜特別嘅隱形人就最好啦。香港人喜歡同朋友打邊爐吹水,而澳洲人喜歡喺後園barbie (唔係塑膠又大波嗰隻嘢,而係BBQ) - 直頭同打邊爐有異曲同工之妙。通常都係男主家主持barbie燒嘢俾大家食,做客人嘅就最好不要喧賓奪主,搶了主人家燒嘢食嘅位置,但當然可以幫手做其他嘢。 澳洲嘅barbie並唔係好似香港燒炭嗰啲爐,而係一大台嘅石油氣爐,唔需要咁辛苦又燒報紙又加炭精去透爐。如果喺英國,做客人嘅多數會買支酒去探朋友。但喺澳洲你買一板啤酒係正常事,人家唔會覺得你好寒酸沒質素。佢哋真係有點粗豪。開玩笑是澳洲人表示有友好的方式,不要將他們的友好誤以為是在嘲笑你。當其他人嘲笑別人時,自己也別笑得太過份及當真,如果唔係就賴嘢。如果你一個人搭的士,坐喺後座乘客位置係冇禮貌嘅行為;一定要坐司機隔離。 小弟大大話話都喺澳洲公司做過6年嘢,而正常來講大部分澳洲人都算易相處。但係如果想識得多啲同事建立更好嘅關係,我諗參加星期五嘅 “開心星期五”真係幫到唔少。話說以前公司有一台生啤機🍺仲要望冇阻擋對住維港景,逢星期五6點後就會開機。而小弟亦俾大老細欽點做生啤機機長,邊個沖啤酒飲就要放錢入捐錢箱贊助公司支持嘅慈善機構。我發覺一齊去Happy Hour 嘅人係工作上會被公司重用同提攜。以前公司會俾免費飛啲澳洲同事去大球場睇七人欖球賽,而香港人係冇乜可能收到免費飛。你可以話佢哋以前係有啲歧視嘅,但人鬼殊途呢個道理喺香港都唔係乜新鮮事。但自從參加多咗公司活動後,腦細填免費飛名單時都會記起我,叫做可以同其他人打成一遍吧。