雖然呢個題目小弟咁多年仍然在學習階段，但真係希望香港人去到新家鄉唔好失禮，等其他人能分辨出真香港人同新香港人嘅分別:飲食篇夜晚出街食飯係英國人嘅盛事，直頭係highlight of the week。要因應不同場合打扮，切勿著到牛記凹記。最好參照餐廳網頁個dress code：唔好overdressed 或underdressed 。香港啲高級酒店俾客人夜晚着牛仔褲其實已經係皇恩浩蕩。可能因為佢哋唔敢得罪啲豪客。去高級餐廳食飯不應向侍應✋🏻手，要等佢自己過嚟serve。好心急好肚餓最多係打個眼色俾佢，希望佢見到你。多數高級餐廳都唔會share 餸菜(menu 寫明for sharing除外)。夾share嘅食物別飛象過河，請叫隔離位幫手遞一遞，然後pass去右手邊。食嘢別打開口嘴嚼，露出趙緊嘅食物，不要發出聲音，更請不要burp。例:曾經有一名追緊我嘅男子約食晚飯。本來氣氛良好，諗住睇吓有冇可能發展吓，但佢突然間大聲burp 兼沒講pardon me亦完全不覺得唔好意思。嗰次就係唯一及最後一次單獨食飯 <完>英國人食意粉會用叉同匙羹🥄。用叉旋轉整齊地卷到匙羹中，之後一口吃掉。飲湯要在碗邊向出𢳂，不是向入𢳂。 [Dinner by Heston Blumenthal@Knightsbridge]日常生活篇別問人家薪金、租金、家底、住那裏等私人問題，尤其係唔熟嗰啲。要打開話題匣子可以講其他無關痛癢無無聊聊嘅嘢。在洋人面前別說他們不懂的語言，更要學懂即時轉英文台。不要好像大媽般大聲說話，高談闊論。英國人喜歡細細聲說話，盡量唔好影響到其他人。喺ATM㩒錢要留最少1.5m私人空間㩒緊錢嗰個人。出入時要幫附近嘅人頂住隻門。㩒𨋢唔好㩒閂門。開會切勿在會議室講電話，要講出門口講。喺公司個位度唔好講私人電話，要講出後樓梯講。雖然呢個係常識但香港好多人都唔識。人家打乞嗤後講bless you，自己打乞嗤後講excuse me。當年喺倫敦政府部門做暑期工時，啲老細及同事會不分高低每隔半個鐘輪留幫大家沖咖啡茶。總之入鄕隨族人做乜你做乜(當然唔係非法嗰啲)。所謂禮多人不怪，常用Please, Pardon, Thank you, Hello, Cheers等是常識吧。拜托別做討厭兼影衰亞洲人嘅事。爭氣呀真香港人！ [Broadway Tower, Worcs]
