雖然英國不是小弟下一個目的地，而因應依家有咁多人去英國，等我講吓英國嘅樓盤騙案。 話說我朋友嘅朋友喺英國遇着多過一次騙案,呢個唔係黑仔，而係俾個親戚跣咗鑊金，遇到一班有組織犯罪集團。故事枝節甚多，一匹布咁長。所以長話短說，請留意以下幾點:如何令你落踏中介及發展商吹噓到自己實力幾咁雄厚幾咁有錢。但原來只有佢哋自己個網站才有相關資料而當地報張雜誌沒有提及過）實例1)中介在香港已成立廿多年，信封心保證云云。實例2） 發展商腦細係牛津法律系畢業、中學同威廉王子係校友(暗示是有錢貴族之後)。講到租務回報幾好(個yield好過市場1-2% ，仲有租金保證)。俾少少首期就可以上車，俾個好多香港都想完成嘅夢你。一衆急急子同喜歡刀仔鋸大樹嘅你會容易正中下懷。請留意-發展商是否真的買咗嗰塊地起樓，定係用你哋班羊估集資出嚟嘅錢去買地跟住氹到你落疊但最尾起唔到間樓。就算最終起唔成，賣出塊地嘅價錢就會好低(10%)，只係益接下手嘅發展商。-發展商嘅job reference 可以係假，所自己小心查證及留個記錄以便日後報警用及提供證據告有關人仕專業失德。-發展商就算係英國公司註冊，如每年營運金額好細，又或者係啲成立咗幾年嘅公司就要小心。-律師都可以做到好不負責任。被委托保管嘅錢可以叫測量師訛稱完成部份工程付款。最後啲錢使到咁上下，個發展商就去如黃鶴。-律師仲話業主係有責任查清楚發展商嘅底細,唔可以將所有責任推卸俾律師。建議-最好不要買off-plan，加建、改建都唔好買。-千祈唔好用發展商介紹嘅律師。律師可以同發展商及中介打龍通。-千祈唔好相信中介講嘅任何嘢，要自己fact check 吓。Agent最鍾意話 “我都買咗啊，我哋第陣時做鄰居”來博取你嘅信心。就算佢哋真係自己買咗，聞到咩風吹草動都有辦法全身而退，起碼會攞得返自己個本，而其他人係攞唔番！最後，如果發生不幸事件嗰啲民xx係唔會bother 幫你。而肯幫你嘅呀涂已被捕....
