初到步應該帶啲最緊要最貴重同埋最常用嘅物品吧: -金器首飾💍、珠寶鑽石💎、手錶⌚️;-搵工必備嘅畢業證書、專業資格證書、A-level證書、前公司reference letters 、出世紙、結婚證明書等;-香港駕駛執照及運輸署發出的「駕駛執照細節證明」，以證明車牌是在香港考及駕駛年資來換取當地車牌;-枕頭、毛巾、床單、風筒-見工及返工衫;-電腦、iPad、相機、潛水相機;-所有 “IT bag”如Hermes🐎、Chanel呢啲話平唔平話貴唔貴嗰啲(驚寄船會俾人偷嘅嘢*);-迷你按摩機...唔可以成日去按摩店就要自救;-瑜伽墊...cut 咗會藉只好喺烈日當空四十度下做免費高溫瑜伽。希望啲國寶烏蠅🪰高抬貴手啦。*話說當年由星加坡移返香港，因為公司慳皮唔用AlliedPickfords，揀咗一間好渣好九流嘅運輸公司令我所有手袋太陽眼鏡甚至香水都全部被偷。因為公司冇幫我買保險所以冇得賠🥲欲哭無淚。 下次出走會想用返嘅國際公司如Santa Fe, Crown, Allied Pickfords等，連執嘢同unpack都有人代勞會煩少好多(不過我屋企嗰件咁慳皮嘅腦細應該會ban我呢個想法,寄車除外)。但搬前最緊要係有間屋先。冇屋嘅就最緊要係搵工、借按揭、買樓，之後先可以將其他嘢大手搬過去。買喺香港每星期係酒店放賣嗰啲apartment好唔好？老實講有好嘢梗係本地人“立”咗先幾時到哋海外人？住landed property可以泊幾架車好過住樓，況且後者啲管理費可以好貴，仲極有可能同原本想避開嗰啲人為鄰。請三思而後行。
