我要開始努力上網揾工!是有點石沉大海的感覺。見到我的履歷已被讀,會幻想在電腦另一邊的人會直接將我的履歷拋到垃圾桶中。畢竟我(將會)是個新移民。有一點忐忑,有一點緊張——雖然也不是第一次移民及移居。 不過廣東話一句「識人好過識字」真係全世界都通行。識人的話做通渠🪠可以變項目總監、白紙可以變總管、揸天秤🏗都可以做工程經理。所以我聯絡了前一位同事幫忙搭吓天地綫。他將我CV給了我一個已舉家回郷的前大大大腦細🧠,又咁啱佢又係同我同一個省份。幸好得到的回覆是他記得我是個好奴隸👷🏻♀️願意推薦我的老本行掘隊道工作給我(而不記得以前捉過我食晏遲到😏)。試問外國大把地,有幾多隧道地牢地鐵站可以挖?就算有政府及私人發展商都冇咁多錢。你估呢度係以前嘅香港咩?所以這幾年已開始為出走開始作了準備,diversify 自己的工作範疇,參與多些精裝修、防火牆及起樓工程,希望獲得更多求生技能,為出走作出準備。但願去到彼邦後不用遞菜斟茶、或做超市叠貨。現在的香港已今非昔比。但人總須要勇敢向前望,留戀往昔的光景只會令自己變得軟弱。肥佬黎今日已被判刑,我們只可以撐下去。 有人會問為何西人總是有那裏來的自信常瞧不起人?我只覺得沒有人可以睇唔起你,只有自己才可以睇唔起自己。西方世界並沒有二等公民,只是人們的自悲感作祟。可能這就是外國長大受外國文化熏陶的人與本地人的分別?