原來已經好耐無更新xD 其實已經上左箍3個月。 我上箍時間係2018.02.28。今日就講下我印象中既情況啦:) 全個程序需要45-60分鐘。 其實過程一D都唔痛，首先醫生會幫我用機器刷一刷牙，有d似洗牙 但只係刷表面。跟住落膠水一粒粒釘痴上去xD 等佢乾左之後會每隻牙釘都落鐵線，跟住用個鑽鑽翻緊佢。 上完箍醫生叫我浪一浪口同教我點樣清潔就完成啦！醫生俾左一包牙臘我（一定要拎！）可以用係會刮嘴既牙釘到，避免之後括損。我個時有粒釘鬆左有d括，都係靠佢先無括損XD 岩岩上箍會feel到好唔慣，好似好難合埋口。另外d牙會好酸軟，頭一日我食kfc都有d難咬，要meet細放入大牙咬xD 但過左一個星期之後就咩都食到，有小小酸但都習慣到，可以正常食所有野。 跟住每一次覆診，係頭2日野食要切細小小，跟住都無問題。係有時易click住個箍，每次食完飯要浪口。 呢篇係咁多，有興趣可以follow我ig:cheungdiary. 下一篇就放箍左幾個月既對比圖啦！附上2張岩岩上箍既相:)
