今晚黎到中環既 來佬餐館 專誠黎試下佢個威靈頓66鐵板套餐~ 入到去個餐廳環境都幾舒服,星期日晚都冇full~ 餐廳環境寬敞,充滿港式懷舊風情,再加幾分情調,都幾浪漫架 餐牌就係港式茶餐廳既食物,我地3個人就叫左下面既野食 原個菠蘿焗海鮮飯 $168 呢個就成隻菠蘿咁上,視覺同味覺都好有去泰國feel ah~~~ 鵝肝充闊佬飯 $148 一開始諗佢點闊佬,原來係叉燒haha 不過佢D叉燒同鵝肝都幾大份,好惹味 來佬汁雞翼X6隻 $98 + 威靈頓66 $248 到左我地既重點! 件扒有層酥皮包住 可能唔係好岩我口味,我地幾個都覺得一般,剩食個扒應該會好味D 個扒叫左5成熟,黎到都至少7成熟,不過都幾唸,而且肉質細嫩,好易入口 雞翼就好普通 來佬梳乎厘(原味) $98 睇落個樣都已經好吸引,食落都真係好啊!夠大份,口感都幾正,值得一試 地址: 中環威靈頓街66號 66 Wellington Street, Central