SK-II既神仙水一向被一眾姊妹視為聖品， 因為效果顯著又容易用，所以備受推崇！今日我可以試齊SK-II護膚精華 、 R.N.A.立體緊緻精華霜同埋淨肌護膚潔面乳套裝，我真係好興奮呀！ 適當既步驟應該係第一步先使用護膚潔面啫喱，卸除面部妝容； 然後使用淨肌護膚潔面乳，淸潔面上污垢，為之後的護膚程序做好準備。 下一步使用神仙水，為面部溫和去除角質，保濕同時調節肌膚表面更新周期。 最後以R.N.A.立體緊緻精華霜完成護膚程序，重現年輕緊緻肌膚，對抗可見的初老徵兆。 咁因為我無護膚潔面啫喱，所以我先用左平時用開既卸妝水卸左妝先。 而家要用。。。SK-II淨肌護膚潔面乳， 向潔面同時能夠呵護肌膚； SK-II淨肌護膚潔面乳蘊含濃縮Pitera和Mild Treatment Essence， 令肌膚保持濕潤，主要成份Pitera™能夠抑制自由基，改善膚質， 仲有維他命，氨基酸，礦物質同埋有機酸，能令肌膚的新陳代謝回復最佳狀態。 質地係有少少似乳霜咁，一加水搓兩搓就好容易起泡啦，仲有少少淡香，好舒服。 泡沫真係幾細緻喎，你知啦，如果未充分起泡就洗上臉上，唔單止會事倍功半， 仲會好容易刺激皮膚，或者好容易過度殘留架嘛。 洗完面感覺好輕盈，一啲都唔乾唔緊， 係一種好溫和並細緻既清潔感，然後我最喜歡就係洗完面果種柔嫩既肌膚感， 我自己都忍唔住想摸多塊面幾下，就連我老公都睇得出，問我整左啲乜白左滑左。。。 嘻嘻，其實我都真係覺即刻白左少少喎。 跟住。。。要用SK-II 護膚精華喇。 神仙水其實是水狀護膚精華， 比一般精華素更容易吸收，可改善皮膚多種問題並昇華至晶瑩剔透， 雖然觸感和化妝水一樣，但功效卻遠勝化妝水。佢一無二既配方，能溫和地清除老化角質， 並幫助調節肌膚更新週期。 以往我只係倒出來在臉上拍拍拍，但係原來正確用法係咁既。。。 第一步：將化妝棉蘸透神仙水。 第二步：以化妝綿輕拍臉部及頸部約1分鐘。 第三步：翻轉化妝棉的另一面，再重複拍勻臉及頸部1分鐘，直至完全吸收。 水狀清爽唔油膩，好快吸收，雖然氣味有少少古怪，可能係濃縮Pitera 既氣味啦， 不過係可以接受嘅。 嘩，立刻見到皮膚有左光澤。 最後。。。SK-II R.N.A.立體緊緻精華霜喇。 佢蘊含革命性Radical New Age複方及PITERA™， 仲用左Essence-in-Cream 既Concept，有cream的滋潤和豐厚感, 但亦帶精華的滲透力，所以會更加導入精華成分，能夠直達肌膚深層， 鞏固自身膠原蛋白結構，１０日就可以緊緻輪廓。肌膚就變得更緊實、更飽滿， 臉部線條重現年輕立體感。 用大約一粒珍珠既份量，以指腹由內向外推開， 慢慢按摩直至肌膚完全吸收。 用左無敏感反應，呢個精華霜既質地好柔滑， 好似有非常淡淡的果香味，係令人溫和放鬆同埋舒服的味道。 質地好清爽唔油膩， 就算晚上塗厚少少都唔怕，訓左成晚冷氣，第二朝起身皮膚仍然飽飽咁， 明顯保濕效力好好。 暫時試左2 晚，好大的皮膚質素改善暫時當然未見效果，不過毛孔睇得出細緻左， 皮膚緊緻左同埋彈力係有所提升嘅！ 完成左所有步驟成個鐘頭，我仲仍然感覺到那份細緻呀，而且第朝起身都無乾爭爭， 仍然好飽滿。。。我好鍾意呀。 難怪 SK-II 雖然係高價護膚品但係仍不乏粉絲； 因為用過真係返唔到轉頭，效果真係好明顯，亦令人好滿意！ 成日見到雜誌咁多凍齡女神， 原來我都可以做得到。 想要更好效果，只要keep 住使用， 用完1瓶神仙水就會見到皺紋明顯減淡， 配合埋R.N.A.彈性再生精華使用，更可倍效PITERA™及Radical New Age複方的超卓效果， 縱橫結合改寫未來15年肌膚命運，凍齡奇蹟都可以發生向我身上啦！ 以上產品試用只屬個人感受及分享。 鳴謝產品提供：SK-II HK, she critiques 品牌推廣及產品試用，歡迎聯絡：ngchesney@gmail.com
