#親子好去處#親子賽車互動體驗館各位小車迷注意啦!!!今次同喬豬去咗做賽車手啊!Yum Me Play x Mercedes-Benz 舉辦咗全港首個親子賽車互動體驗館#TheJuniorRacingAcademy 總括嚟講 呢到真係期待值以上 喬豬差唔多每個項目都有參與而且週末早上人流唔多 可以輕鬆任玩加上唔係開放式場地爸爸媽媽可以放心俾小朋友自由行走 唔怕走失 場內分咗7個體驗區✨Zone 1一入場首先會見到有關於賽車嘅資訊展覽工作人員姐姐好仔細同我哋講解賽車嘅小知識,詞彙,賽車歷史,車隊嘅組成 等等當然呢部分對於3歲嘅喬豬未有吸引力(喬爸就好專心聽書啦)不過對於再大少少嘅小朋友的確可以好詳盡咁吸收到好多小知識㗎!點擊圖片放大 +2 ✨Zone 2電動方程式車庫同設。建工作室除咗介紹賽車車輛嘅製造過程之外最吸引嘅一定係多個體驗工作坊🏎小朋友可以製造專屬嘅紙賽車選擇自己鍾意嘅部件顏色然後打印出嚟 摺成獨一無二嘅賽車模型🏎仲可以用金屬積木砌成賽車然後係木製賽道上測試速度金屬積木需要大力少少先砌到所以呢部分就由喬媽去幫手完成喬豬就樂此不疲咁去賽道試車(金屬積木車係唔可以帶走㗎玩完記得還返俾工作人員哦!)🏎另外會有賽車遊戲體驗由於喬豬未夠高 踩唔到油門唯有喬爸喬媽抱住玩(腳短嘅喬媽其實都有少少吃力😂)🏎如果鍾意再靜態少少嘅活動嘅小朋友旁邊會有賽車圖畫填色同埋有車輛組件可以砌3D汽車模型點擊圖片放大 +6 ✨Zone 3戲肉嚟啦!小朋友可以揀自己鍾意嘅電動車係小型賽車場上飛馳(唔識自己揸嘅小朋友工作人員會用搖控幫手控制)我哋去嗰陣無乜人喬豬可以無限次任玩 開心到不得了!過盡哂做車手嘅癮再行入啲會有一個FPV體驗(每張入場pass可以玩一次)事關喬豬太細未玩到就由喬爸親身去體驗咗啦!點擊圖片放大 +3 同場仲有創新實驗室會舉行唔同嘅工作坊除咗現場報名 仲可以網上預約 場內嘅商品店 有STEAM嘅學習工具圖書同禮品可以選購另外會有工作人員陪小朋友玩board game添!喬豬就玩咗接近3個鐘先捨得走可惜之後有其他行程 未可以再上去玩因為入場卷係可以當日無限次出入㗎!CP值算係唔錯!🚦JRA親子賽車互動體驗館🚦📍 香港九龍尖沙咀梳士巴利道18號 K11 MUSEA B2 樓層 Taste Chamber (Avobar旁)📅 夏日開放時間: 2021年7月23日至9月12日 星期一至日 早上10時 至 晚上7時🎫入場卷同有關詳情可以上Klook睇返通得證: $320包含YUM ME PLAY 會籍及親子賽車體驗館體驗通行證會員優惠包括購物優惠,伙伴教育機構獨家禮遇及更多3歲以下嬰幼兒免費入場@yummeplay #yummeplay #steamlearning #mercedesbenz #JRA親子賽車互動體驗館 #親子活動 #暑假好去處 #賽車 #小車迷 #親子blogger #香港媽媽 #喬b成長日記 #hkmomblogger #hkmamablogger #wearehkkids #babyisaac #babyracingcar