係新年前，玩開臉書，見到philosophy有個新品試用的招募，咁就apply，點知中咗，其實我當時都唔知係咩product，中咗先知，原來是一支美白精華！啱曬我，因為春天就是美白天，而長年累月一直受住色斑同膚色不均的困擾！好想睇吓有咩產品，唔好話去除，只係希望可以減淡我臉上的色斑及令臉色均勻點，唔想做黃臉婆呢！ 今次好慶幸能試到philosophy的新品： philosophy brighten my day 全面完美亮白精華素 $530 (30ml) 簡介及功效：此精華素可為肌膚全面修復瑕疵，不單美白，亦能淡褪色斑及改善膚色，同時有效紓緩及減褪肌膚泛紅等問題，更可同時改善粗大及黝黑的毛孔，令毛孔更細緻，達致真正完美亮白的無瑕肌膚，讓肌膚回復光亮透白。 成份：10.3.3 完美亮白配方的成分包括：甘草精華、褐海藻及紅海藻精華、雛菊精華、水楊酸、萃取自洋甘菊的沒藥醇、維他命B3及維他命C配醣體等。 使用方法，早晚潔臉爽膚後使用。 一吱出嚟，幾creamy質地，但都不算係好杰的cream狀，帶水。有少少好以牛奶味的感覺！ 搽咗上臉，按摩一輪後，已吸收曬，吸收後超爽呢，冇痴笠感！超喜歡呢個質感！ 真係好，今次呢個試用，竟然可以用上一整個月才出試用文，真係比我用到夠曬先出文。 大家睇吓以下呢兩張相，臉色較未用前光亮了，真係有brighten感喎！而去瑕疵方面呢，我覺得最明顯係下巴下的暗瘡印，明顯淺色咗好多，臉頰上的斑點印，亦比之前淺了！ 再拉近鏡睇吓臉頰上的斑點印，亦比之前淺了！氾紅的情況，亦真係明顯改善了。我最想改善的，佢已經幫到我，真係大愛呢支精華素呢！ 而家就算唔化妝出街都得，就算係化，都唔駛點樣大修，因為底子做得好，只要輕輕一抺少少粉底液，就已經有無瑕的妝容了！
