過完個新年，就係已經俏俏地踏入初春了，即係又開始美白的好時機，大家唔知有冇留意到，一年四季賣得最多美白產品廣告的時候，一定係而家呢個季節的！我留意咗好幾年了 :laugh: 上星期就收到CLINIQUE pr的邀請，可以出席她們的春日新品發佈會，每次收到CLINIQUE pr的邀請，心理總是萬分歡喜，因為期待今次有咩新嘢介紹！ 今次的event地點，超近我，係IFC的French Window，呢度好靚喎！一入去，係行入去嗰條長廊度，已經放滿咗CLINIQE even better的產品，嗰一隻白色，剩望都開心啊！ 呢度好靚喎，大大的落地玻璃，可飽覽維港景色！ 其實我好鐘意去CLINIQUE的event的，因為每次去，都有無限驚喜比您！包括佈置同地點。而我每次都好鐘意佢地放繡球花的，因為我都覺得繡球花好靚，另外CLINIQUE的BA小姐話，放繡球花係有意義的，希望每位女士們，都好似呢款繡球花咁，咁美麗同白。 一系列的CLINIQUE Even Better產品，有冇發現其中有幾樣係新嘢呢？ 就係：Even Better Brightening Moisture Mask、Even Better Essence Lotion、Even Better Brightening Moisture Cream Plus和Even Better Dark Sport Defense SPF45 / PA++++ 今次除了見到CLINIQUE的Even Better的美白產品外，仲見到在塲多咗支香氛，就係Calyx香氛，個味幾清喎，唔似一般香氛咁俗，原來有柑橘系列的調子，唔怪得咁醒神啦個味，因為我個人係比較鐘意d有少少柑橘系列味的香氣的！ Calyx香氛 ~ $450 (50ml) / $610 (100ml) 初調：西柚、芒果、熱情果、木瓜、柑桔、番石榴、綠葉。 中調：小蒼蘭、鈴蘭、玫瑰、橙花、茉莉、百合、金盞花。 基調：橡苔、鳶尾草、檀香木、印度香根草。 好鐘意佢個簡潔外型！CLINIQUE 的貫徹作風！ 仲有新一系列的Now in Bloom: Brights心花盛放春季彩妝，包括： 1. 全新花之戀光感胭脂 ~ $180 (3.4g) 2. 持久亮彩眼影 ~ 四色組合 $275 (4.8g) / 双色組合 $190 (2.2g) 3. 魔法纖長睫毛液 ~ $200 (6ml) 呢隻睫毛液我用過，不得不讚，我用過好多隻所謂防油防水的眼睫毛液，不出2小時，已經開始出現熊貓眼的情況，但CLINIQUE呢隻，我真係可以keep到成日，都冇甩，仲要係勁易落，一用温水，就可以輕易咁去掉！勁方便同好用！ 4. 滋潤亮彩唇膏筆 ~ $150 (3g) 呢支唇膏筆我都用過，好滋潤，我直程當佢潤唇膏咁用！效果好好。 5. 全新高光感防敏甲油 ~ $110 (9ml) d彩妝ga顏色好鮮艷奪目啊！真係好啱春天，有曬生氣！ 參觀完一輪之後，好快就開始了！ 先由CLINIQUE的靚女BA~Cherry為大家介紹一下今日下午茶聚的重點介紹就係頭先我所講的幾樣Even Better新產品：Even Better Brightening Moisture Mask、Even Better Essence Lotion和Even Better Dark Sport Defense SPF45 / PA++++ 佢一邊介紹，還有精美的tea set供在座每位分享呢！小小的tea set，但無限的温暖！ 仲有專人即時整棉花糖花花，个棉花糖花花好美喔！ 邊食靚女ba邊幫我地試產品，首先試的是Even Better Brightening Moisture Mask ~ $380 (100ml) 專門對付黑斑及缺水暗啞的膚色，紓緩日曬後引發的黑色素增生，同時輸送大量水份，令肌膚保持瑩亮白晢，同時配方亦適合所有肌膚使用。 呢隻mask係cream狀質地的，但都幾易推開，BA小姐話，每次要敷到見唔到皮膚先至好呢！所以呢個mask係要厚敷的！BA小姐仲話，如果敷完，想潤d呢，就剩係用紙巾抺去，再搽其他保養品即可。但如果想清爽d呢，就可以用水洗去，咁樣塊臉就會爽d！ 講真喎，敷完又真係好白淨喎，座我對面嗰兩位小姐，仲話好明顯敷完嗰一忽，同冇敷嗰d皮膚比較，好明顯有個白印呢！ 之後就再試吓今次重點介紹的Even Better Essence Lotion ~ $330 (100ml) 呢個係CLINIQUE品牌的最新研發，專為天生較為乾燥與敏感的亞洲肌膚而設，提供多功能的補濕亮肌效能，即時補濕、紓緩、瑩白亮肌，研究顯示，只需4星期，就能全面改善膚質。 呢支Essence Lotion係分兩隻不同肌膚用的： Essence Lotion 1 & 2 ~ 乾性至混合性偏乾皮膚使用 (可以見到較為白同黏身) Essence Lotion 3 & 4 ~ 混合性偏油至油性皮膚使用 (可以見到較為透明及水狀) 兩者用完，肌膚有即時飽滿效果！ 之後再試埋隻Even Better Dark Spot Defense $ 300 (30ml) 其實呢隻防曬，並不是新產品，原本都有的，但今次是將防曬PA值，由原先的PA+++至PA++++(冇講錯啊，係4個PA++++)，係咪好厲害呢？！！！呢支防曬，係CLINIQUE首支提供PA++++最高紫外線防禦的百分百非化學低敏防曬，全臉包括眼睛亦可使用！此防曬連6個月以上的嬰孩都可以使用的！ 呢支防曬係有2隻色的，一隻係白色，一隻係有少少粉底色的，可以當妝前底霜用。搽完之後，又幾爽喎！啱曬春夏使用！ 最後，就試埋升級版的Even Better Brightening Moisture Cream Plus ~ $390 (50ml) 其實呢隻cream之前都有的，但今次新出的是升級版，功效更大，係特別較適合乾性至混合性偏乾皮膚的全新配方。 真係好cream，使用後，手部明顯有光澤感同滋潤感！ 最後CLINIQUE仲每人送咗一份貨size的試用，比我地自己返屋企試到夠呢！真係好開心，又食又拎！勁鐘意隻變色的彩旦！ 等我返去好好咁試用一下，下星期再同大家報告吓，試用情況吧！
