之前係Cuppa facebook申請咗個Fashion Forward Festival - Genic 手造眼鏡工作坊，點知中咗，當知道自己有份參加時，真係好期待！因為未玩過，勁期待！ 點知當日，一去到，我隻錶，已經係11:55分(唔係話12:00開始咩？)，上到去，做咩黑漆漆一片ga？只見其他2个參加者，未見有工作人員，好喇，企咗10分鐘左右，呢間嘢的工作人員返啦，開咗門比我地入，但仲未見導師，工作人員話導師漏咗嘢，要遲15分鐘先到(個心即刻係度諗，都幾攪笑，未去個event會係所有工作人員都遲的！)。咁咪係嗰度行吓，企吓，去吓toilet。 12:25左右，導師終於到啦，其他人亦到齊，就開始每人派一組如下工具，唔知有咩用ga呢？ 然後就揀图，今日有三個款比我地揀 我就試咗其中兩款，其實第一款我戴得好睇d ga，第二款有d似阿叔，但我最後都揀咗第二款，因為好似個款潮d 啡玳瑁色做眼鏡框，紅玳瑁色做柄 揀完款，導師就教我地點做了，原來全係跟住個模係度剧，佢教我地點支配把剧，就係要90度垂真係咁旭，睇佢好易喎，唔知當自己落手落腳，係咪又咁易呢？ 睇完導師講解後，就自己落手整了！先剧內框，再剧埋外框同兩條柄。由於第一次整，唔多識，幾經辛苦先整完個內框，仲要一岩一忽咁！好攰啊！ 最後剧咗成2粒鐘，先至剧好個形，之後仲要攞嚟打磨番個靚仔外形，就算完咗自己嗰part。其實呢個仲未完成品嚟ga，下一步就係攞番去工廠比人加工，上羅c、再打磨同加工，呢個步驟約一個月。其實我嗰個唔知整唔整到呢，因為兩位老師話我個柄整得唔好，唔知落唔落到機，希望得啦。 overall嚟講，呢個workshop我初初都幾期待，因為未玩過，點知到咗真係實戰嗰日，我就覺得完全唔好玩，對我嚟講，覺得太辛苦，我唔係嗰d力量型，要我做足3粒鐘木工，真係好攰！而2位導師又掛住成日同佢自己個fd傾計，所以都唔敢多打擾佢。下次再有呢d workshop都係唔好再攪我了！ :chic: 但都幾期待出嚟的實物，如果一個月後我的實物出來後，再post比大家睇吓！ 大家有興趣玩吓的話，亦都可以係佢地facebook度問吓： https://www.facebook.com/GenicEyewear 個幾月終於都過去啦，我的完成品，原來出嚟個色係差咁遠的！ 呢個色好睇嗰綠色好多！
