聖誕節就啱啱過咗啦，但過幾日，又係除夕啦喎，放三天假，應該又有party去，應該大家會有好靚的裝扮去迎接美好的2018，而相信每一位，都必定會在聖誕、除夕呢d日子，整番個靚頭，去配襯吓衣著，務求令自己在派對中，成為焦點，而染髪真係少不了！ 但染完頭，尤其係比較跨張的色系，如那些霧色啊、粉色系，大家必定試過，染完，會好快甩色，有時仲會甩到一忽忽。而因為染嗰d色系的頭，大多數要漂染後，才上色，頭髪亦會出現極度乾旱或者冇光澤的情況！毫不美觀！ 咁點樣令顏色更襟睇，同有番頭髪原有的光澤，可以重每天洗護方面著手，令染後的頭髪得以呵護番！令佢d色襟d，同有番光澤！ 近排試咗隻Klorane紅石榴鎖色修護系列，睇吓佢可唔可以令成日染髪嘅我，讓染髪顏色long lasting d，同令我由乾旱變番秀髪呢！ 大家可能好出奇會問，點解有支dry shampoo嘅？ 係因為KLORANE想大家在頭幾日，染髪後的黃金期，用呢支"燕麥奶順滑免沖水洗髪噴霧"代替洗頭，唔好用熱水洗頭，避免熱水會張開毛鱗片，令髪幹內的顏色粒子流失。而呢支dry shampoo亦能有效潔淨頭髪，同時保持清爽豐盈，讓髪色更加持久。 使用方法：可每天使用或需要時使用，將噴霧於髪根噴上並靜待2分鐘後，利用梳或乾毛巾頭上的粉末梳或擦走。 噴後，香味幾清喎，good good！梳理後，頭髪又真係幾乾爽，好似洗完頭吹乾咗頭嗰種感覺！唔錯喎！ 當小妹染髪後，keep咗3天用dry shampoo，第4日開始，先再用濕水洗頭，並用上"KLORANE紅石榴鎖色修護洗髪水及護髪素"，以獨特專利配方紅石榴萃取物及紅石榴皮中的丹寧、多酚及脂肪酸等營養成份為主要原料，有效鎖緊染後的顏色，同時修護受損髪絲，令其回復柔軟有彈性。 使用方法：吱適量至起泡，並同時按摩頭皮約2-3分鐘，後清洗乾淨。 清香的香味！質感算係中性，在濕髪上，都幾易起泡！ 洗完頭，就用埋護髪素，質感杰身的護髪素，好香啊！ 使用方法：又係要在頭皮按摩約2-3分鐘後，沖洗淨即可！ 小妹因長期受白髪困擾，而需要個多月便要染髪一次，所以小妹的頭髪都算不上是秀髪，其實用完Klorane紅石榴鎖色修護系列後，頭髪真係較未用前有光澤，仲少咗好多毛燥呢！頭髪梳起上嚟，都冇以前咁打"click"，摸落去，亦順滑咗好多！同埋唔再"鞋十十"。連哈子餅都忍不住問我，呢排咁得閒，咁多時間去做多咗treatment啊？d頭髪滑咗咁多嘅？而鎖色方面，真係唔錯喎，用咗成三星期，d色仲靚過之前，可以因為頭髪較之前有光澤，所以望落去，連髪色都靚咗好多呢！ 如果大家都想試吓Klorane紅石榴鎖色修護系列帶給您染髪後嘅long lasting效果的話，可以去全線莎莎或指定萬寧購買啦！ 想知更多資料，可以去KLORANE facebook睇睇：https://www.facebook.com/KLORANEhk/ 以上產品及產品資訊，全部由品牌提供
