前排在UBeauty的網站內申請了Rebecca Bonbon眼影美甲工作坊,點知中咗,真係好開心,未申請前,其實都唔多知呢隻牌子係咩嚟,但申請咗後,呢排又見多咗,先知佢原來係一個做彩妝同有ACCESSORIES的牌子。 原來創立呢個牌子的是"清水裕子"小姐,佢亦都係HELLO KITTY的始祖,佢創造HELLO KITTY出嚟的!而Rebecca Bonbon亦是佢近排新創的公仔。2005年推出,已紅遍世界各地,Rebecca Bonbon 的精彩生活方式並成為焦點 。 而Rebecca Bonbon的產品,最主要是細分三個系列的: NEW YORK是悠閒的自由風 TOKYO是時髦和時尚風格 PARIS是優雅與浪漫 其實我不嬲都好鐘意法國鬥牛犬ga,覺得佢地個體型同行路姿態好可愛,得意!佢做cutie版的公仔,就更加可愛! Rebecca Bonbon的brush kit,亦都好出名的,唔同顏色側代表,NEW YORK、PARIS同TOKYO,而掃的質地是人造毛做的,易於清潔,同埋質地都幾柔軟,唔會刮親自己d幼嫩肌膚! 睇完Rebecca Bonbon的產品後,就開始今晚工作坊了! 由於輪近聖誕節,所以化妝師今次為model化一個可以去x'mas party的party look妝! 先掃bb cream,再化眼妝,先上<收藏版眼影組合-NEW YORK>內的金色化上眼妝,再搽唔同顏色的眼影 再畫eye liner,眼妝就七七八八了!再夾埋眼睫毛 上mascara,上眼妝就攪掂喇,再係下眼掃上較深色的eye shadow,成個眼妝就攪掂曬了! 之後再用埋<收藏版眼影組合-TOKYO>內的pink色,當胭脂色!出咗嚟個色幾靚喎! 可以先用LIP BALM做打底 之後就再用埋RAINBOW LIP GLOSS ,咁就夠曬滋補同有水潤效果了!個RAINBOW LIP GLOSS好得意ga,一支可以有好多色,勁抵用! 之後再化埋另一邊,就攪掂曬了,唔駛15分鐘,真快!可以靚靚咁去party了! 之後化妝師仲教我們用三盒不同的<收藏版眼影組合>嚟溝色,咁又可以創新一色不同的顏色做眼影了! 教完我地xmas party妝後,就教我們貼指甲貼了! 睇化妝師又好易咋喎,貼幾貼,磨幾磨就攪掂,唔駛5分鐘就攪掂成隻手了! 指甲貼都係分咗NEW YORK, TOKYO & PARIS,三個不同類型,睇吓自己鐘意咩嘢類型去揀! 化妝師同model講解完,就輪到我地自己動手整了,先玩貼指甲,其實都幾難,因為整得唔靚,就會一岩一忽!整咗好多隻都整得唔好!遠睇係冇咩ga,近睇呢,就真係一岩一忽!不過呢d公仔就好靚!好可愛! 之後就玩收藏版眼影組合,以下是PARIS的顏色,都幾啱平時出街用 以下就係TOKYO的組合,較為COLOURFUL的! NEW YORK,我三盒至like就係呢盒,因為夠大眾,d色好靚,啱曬而家秋冬天,深色亦都可以做埋eye line!一舉兩用! 我用咗我盒New York內的金色,掃上眼蓋位置,又真係幾易上色喎!輕輕掃一掃,就已經上到色,不錯! Rebecca Bonbon呢隻牌子,除了化妝品外,仲有d accessories的,如鏡、IPAD套,仲有個透明袋,我覺得呢個透明袋,用嚟夏天去沙灘游水用真係一流! 今次的工作坊,簡直獲益良多呢,學識咗溝色用eye shadow外,仲學咗點樣貼指甲貼,真係好玩! 最後,大會還送了一set眼影、化妝掃及指甲貼比我地返屋企用呢! 如果大家有興趣睇吓Rebecca Bonbon的化妝品及其他用品的話,可以去以下Sasa Supreme及Sasa Stores睇吓!