天氣呢排真係乾到呢，平均都冇60%濕度，搽完一般保養品，再上妝，不到食飯時間，就已經開始覺得有浮粉情況反覺得乾！尤其係咀角上的虎紋位！我一feel到乾，就第一件事，覺得嗰個位會"歸烈"咁滞！ 秋冬真係適宜用番一d較補濕的底妝，講到底妝，莫過於韓國研發的CC cream，因為貪佢用完夠透薄及方便使用！但CC cream都出了好一段日子，都out out地，而家最新興的莫過於是"氣墊 CC霜"，效果同普通CC cream一樣！但補濕度較一般CC cream再多出唔知幾多倍！攪到我都心旭旭想試吓！點知，咁啱，呢排係SaSa facebook就中咗個試用！真係開心！就等我試吓佢有幾大的威力，可以打救吓我平日的妝容先！ Dr. G全新水份精華氣墊 CC霜 SPF50+ PA+++ ($238.00 / 13g) 產品簡介： 能輕鬆地遮蓋毛孔，提升肌膚光澤，加上注入保濕精華，可即時補充肌膚水份，輕易塑造持久水潤的韓式妝容。而且具備護膚功效，化妝同時修護肌膚。 三種特別功效及成份，有效補濕肌膚、遮瑕及令妝容透亮： - 保濕鎖水精華：特別為亞洲女性缺水肌膚注入整支補濕精華，即時為肌膚注入水份，帶來水漾亮麗底妝 - 氣墊粉底質感：每次按壓氣墊CC霜，同時給CC Cream泵入氣泡，使粉底更具空氣感，締造輕薄透明及具光澤的妝容 - CC霜：擁CC Cream的透薄，均匀及提亮膚色的特點，可高度遮瑕，遮蓋黑眼圈及臉上瑕疵，但不會帶來厚厚的妝感 一開，成個packaging都係淺藍色，好靚！ 我開咗個盒度，係度研究，究竟係點整d CC霜出嚟ga呢？我研究咗一陣，就試吓攞舊粉卜，按落d海綿度，估唔到，真係係d海棉度吱出嚟，真大鄉里！hehe… 使用方法： 取粉卜在海棉上輕按，就可吱出CC霜，再在臉上輕印，至均勻即成！ 都幾易上喎，好香，陣陣花香！舒服的味道！ 用了一邊臉後，明顯見到使用後，與未使用後，有頗大的分別！使用那一邊明顯光亮過未用那一邊好多倍！輪廓都好似提升咗咁！ 未使用前，其實影相都唔係話皮膚好差ga，只係如果可以有得遮吓臉上的瑕疵的話，都想好好咁遮住佢的！ 使用後，我覺得好有赤裸裝的感覺，好透薄，但又能適當地遮蓋住臉上的瑕疵，仲有好強勁的補水效果呢，用咗全天，都冇補過，keep住全天都有水嫩感覺！去到晏晝過後，我咀角上的虎紋位，都冇走出嚟！呢樣係我最意想不到的！強烈推介呢d天氣用！至適合不過！ 就算過咗一整天，不用補，妝容依然keep到，仲冇浮粉及乾紋出現！真係好掂！
