上星期好開心可以出席到由U Lifestyle舉辨的會員保鮮花工作坊,其實小妹一直想整呢d花好耐,好開心,終於可以參加到!而家就為大家報導番當日嘅工作坊情況啦! 今次工作坊在觀塘Bonart工作室度舉行,一去到,已放咗要用的東西了! 當天工作坊的導師,原來話保鮮花,係保到2-3年,唔係永生的,最長壽命係3年,仲要記住唔好諗住等佢香香哋,吱d香水落去啊,佢只係落咗化學成份等佢較長壽命的花,而唔係假花,所以一噴其他嘢,就唔可以keep到咁耐了! 導師先教我們點整個底,先用d類似藻類植物嚟做個底,用以可以比其他小花插落去,作固定,然後再舖自己喜歡的小花,教我哋點樣剪d小花(要剪尖佢),先可以較易拮入去個底度 之後就整個主角啦,玫瑰花,要加工少少,先可以令佢盛放得燦爛點!如果唔係佢只會似一朵未開的玫瑰! 點加工,就係塞d化妝棉的棉花碎入去花瓣底部啦!導師話最少要塞8塊,當然愈多愈好啦,咁朵花就會愈開得燦爛! 然後就再整個花枝,由花蕊插支鐵線入去,就會成咗一支玫瑰花啦! 導師講解完,就論到自己動手做啦! 我揀咗呢d色嘅花! 先做好個底先,我揀咗一深一淺的紫色藻類植嚟做底,再揀咗d紅白花做側邊,藍色花做中間!個底就攪掂啦!勁快! 然後就開始整主角啦!我想特別點,所以揀咗Mint色玫瑰花! 又幫佢做吓後期加工先,塞棉花,我初初都幾"鏡"鍚佢,驚太大力,會甩花瓣,原來唔會的,我見導師好大力咁塞入去,都冇問題,咁之後我就唔再"鏡"鍚佢了,用番正常力塞d棉花入去,不消10分鐘,已攪掂個主角! 再比番大家睇,有做過加工同冇做過加工的同一款玫瑰花,個size可以係差一倍的! 加工後,就可加番花枝,再用特制貼紙痴番實佢地,咁先係一朵玫瑰花嗎! 然後再將玫瑰花,插入中間的花泥中,記住要插到花泥度,先隱陣的! 插好主角後,就可以加番少少花作點掇,等佢冇咁單調! 最後加番個玻璃蓋同綁好絲帶就完成啦,都幾簡單!冇難度! 完成後,當然要同自己戰利品影番張selfie先得啦! 最後係今晚大家的完成品,好靚!雖然粉紅玫瑰係比較靚,但所以我話我整mint色係正確的,因為冇人整!個色突出d! 以上產品及產品資訊,全部由品牌提供