上次咪係Sasa Supreme的blogger event中抽中咗個SUISSE PROGRAMME極緻膠原活顏全效面部療程，終於都book咗前幾天去做了，做facial喎，我諗冇一個女人唔鐘意！因為係最relax的時候！ 之前都有用過SUISSE PROGRAMME的一隻eye gel cream同一隻paper mask都覺得效果不錯。但就係貴咗少少，用完後都冇買了，所以今次其實有得試佢ga facial，都好期待同開心！ SUISSE PROGRAMME極緻膠原活顏全效面部療程 (80mins / $1,380.00) 簡介：有效活氧、緊緻修復肌膚，並有助減淡紋理，特別針對暗啞、脆弱缺水、因疲勞壓力令面部失去彈性的肌膚 原來Sasa Supereme內係有Sasa Beauty的，原來上次只係參觀咗出面同nail centre，原來裡面total有成10間房咁多！真係估佢唔到裡面咁大！ 入到房間，都好寛敞，有足夠空間走動，就算放埋儀器機，都唔會覺得逼。 每一樣acessories都印有Sasa Beauty的logo，好靚！ 最鐘意佢ga首飾盒貼心設計，可以放d accessories同小物件入去，唔駛散到周圍都係！ 今次的facial由缷妝、潔臉至到最後搽臉產品，都係全部都用曬一整set SUISSE PROGRAMME產品的﹐夠矜貴了吧！ 進行一般缷妝、洗臉、peeling、爽膚，蒸臉、針清後，先用臉上塗上28天極緻膠原全效緊緻精華，再德國震動微波儀，做導入，此機能利用超聲波環迴及震頻，能激活細胞，補充肌膚底層的膠原旦白，提升產品的滲透及吸收，令養份深入肌膚底層，瞬間緊緻及提升臉部輪廓。 呢個儀器在我臉上碌吓碌吓，真係好舒服！又唔太凍，温度適中！ 做完儀器機後，美容師就用佢双手幫我臉部按摩，佢手勢真係一流，冇得頂，勁舒服！按完臉後，就塗上精華素，然後再倒模了，其實連唇部都有做埋mask的，但我呢度冇影出嚟。美容師為我倒模時，其實我都唔太知成份係咩，但我好似聞到有少少洋甘菊味道。 經過15分鐘的倒模後，美容師再為我按肩頸，真係好正！力度適中，又按正我的疲勞要害，正都講唔出！ 前面嗰張係我未做facial前的相，但我好蠢，原來房燈係可以開到好大的，我唔知，所以影到好黑，大家睇唔到我facial前的肌膚狀況。只能夠講，都幾缺水，覺得肌膚好乾同有細紋。 脫模及搽完保養品後，真係白淨咗好多，細紋全消，真係好似飲飽水咁，好飽滿，肌膚真係firm曬！一個字講曬！"爽"到暈！環境又正，勁relax，美容師手勢好，仲好nice又好傾！至緊要冇hardsell過我，完咗只係問比咗個package我睇吓，啱唔啱，就走得了。第日如果真係做曬我手頭上的facial，我都係考慮join呢度d package，因為d package係我負擔能力範圍內，比得起有餘呢！ 有興趣可以打去以下link：www.suisseprogramme.com Suisse Programme專門店：香港銅鑼灣蘭芳道23號地舖，電話：(852) 2808 2613 Sasa Beauty: 香港銅鑼灣禮頓道77號禮頓中心2樓，電話：(852) 2555 3370
