三八嗰日,適逢哈子餅生日,就同佢去咗半島嘅Verandah食lunch buffet。一入到去,幾優雅嘅環境! 一去到已安排咗個幾光猛的位置,張枱好大,所以不能餵食,但咁高級的地方,呢個行為都唔好做啦,咁肉酸! 今餐飯真係考餐桌禮儀,因為好多刀刀餐餐 其實今次影相唔算太多,只係影咗幾張,其他就係攞埋去食的東西! 去睇吓有咩食先,行咗一個圈,都唔係想像中咁少嘢食喎,上網睇到D人講到話好少嘢食,本人覺得OK喎!咁要比起其他咁上下價錢的,真係少D,但本人覺得都足夠! 點擊圖片放大 +2 先吃沙律同包包先,沙律真係好多款揀,又有dressing,食曬全部款,都應該飽了!包呢,有好幾款,我攞咗三款,但食曬D包後,我胃已被填飽一半了! 之後再試咗冷盤,刺身嗰D,鮑魚真係超推介,又夠"林",D汁又好味!蝦亦好彈牙!煙三文魚都有好幾款!刺身款式有幾款,夀司都有好幾款,但太飽肚的東西,少攞為妙! 熱食都有10幾款,有一個魚好好食,哈子餅話個咖哩都唔錯,有一個白湯幾好飲,但有d漏! 其實我嗰天唔算食得太多嘢,食咗少少熱食後,我就主攻甜品了! 牛奶奶凍好吃,好重奶味!葡撻好味,細細個唔會好漏!其他旦糕都好鬆軟,要一讚個香蕉熱情果雪芭,酸酸甜甜,可解膩!個港式奶茶雪芭都好香好重奶味!唔錯! 之後已經頂到上心口,不能再食了! 之前咪話book位時,同職員講咗有一生日嘅,最後職員在甜品時間,還奉上旦糕呢同幫忙合照呢!真係sweet爆! 推介食物:鮑魚、沙律、湯、包、甜品 最後埋單加埋一,兩個人hk1,056,雖然較貴,但有d服務,係比呢個價錢都吃不到的!一讚呢度,真係一起身,就已經有人埋嚟幫你清碟同摺餐巾,間唔中豪一次,都ok嘅! 但因為我今日係用之前係facebook玩遊戲得來的gift card,所以都係free嘅!