前陣子收到JaneClare寄來的一個小盒子產品，已試用上好一排，同大家分享吓用後感先！ 原來小盒子內，有納米防日霜SPF50+ PA++、HA深層保濕精華和煥采美顔素+E，全set產品，價值hkd1,254的！好矜貴啊！ 唔知大家對JaneClare呢個牌子認唔認識呢？ 其實佢係一個香港品牌，佢哋嘅產品，由多位國際知名皮膚學家組成的專家圑隊研發超過十年，專家圑隊包括：日本漢醫專家：柊千里小姐、美國皮膚醫學教授：陳世松先生和加拿大醫藥研發專家：梁永冠先生，以中西草本精華合西方尖端皮膚滲透技術，造出優質的護膚品，並透過中醫學的複方原理及對五行平衡的要求，令產品逹到最佳功效同時保養身體。 而JaneClare嘅產品，亦無添加化學防腐劑，所以部份產品，連孕婦、餵餔母乳的母親及濕疹患者也適用的！ 等小妹認認真真咁試吓先！ 先試上JaneClare HA深層保濕精華 簡介：集合最強天然保濕成份，透明質酸、仙人掌、蘆薈、維生素B5、乳糖和青瓜，即時為肌膚補充500倍的水份。而西柚子、維生素E、當歸、絲蛋白和金鏤梅，能強化細胞鎖水能力，有效深層保濕及舒緩敏感，讓肌膚一整天保持水潤柔嫩。銀杏、人蔘、田七和迷迭香，有抗氧化和促住骨膠原生長等功效，使皮膚回復彈性，預防皺紋出現。 使用方法：早晚潔臉爽膚後使用，使用後再塗上臉霜即可！ 試上手先，好水gel狀，勁易推開！又幾香喎！但唔係話好”梗”嗰d！吸收後唔會覺得笠！正正！ 然後再試埋JaneClare 煥采美顔素+E 採用高純度優質大豆油、天竺葵、維生素E、乳酸及甜杏仁油，高效抗氧化成份，瞬間滲透肌底，深層修復受損細胞，減慢肌膚老化速度，讓肌膚瞬間回復滋潤亮澤，重塑年輕無痕飽滿肌膚。尤其適合乾性和成熟肌膚。呢款孕婦亦可使用！ 使用方法：潔臉爽膚後，作按摩油用，取2-3滴於掌心，混和至微暖，均勻地塗於臉上或頸部按摩至完全吸收即可。 或在乾燥的日子，在臉霜後使用，有效鎖住水份，防止水份被抽乾。 而油性皮膚，可減至一滴作妝前使用。 好水的精華油，香味唔錯！勁易推開！推開及吸收後，會有一層薄薄的油份在手上，但不是太黏笠的！乾燥天氣用，簡直一流！ 當小妹手上搽曬HA深層保濕精華和煥采美顔素+E後，好明顯較之前潤澤及細紋都感覺被滋潤了！即時感覺冇咁乾同充滿光澤！ 再試埋上臉先！有冇見臉較未用前，充滿光澤及水潤感，而個人感覺，啱啱沖完熱水浴同缷完妝，洗完臉後，臉上肌膚乾到極點，爽膚後即刻搽咗JaneClare嘅HA深層保濕精華和煥采美顔素+E後，滋潤度上提升了80%，唔駛感覺再繃緊！ 最後，就係日間試埋納米防日霜SPF50+ PA++ 雙重防曬策略，高透氣度納米防曬份子，全面阻擋UVA及UVB紫外線，同時確保皮膚正常呼吸。內含蘆薈、仙人掌、維生素B5、乳糖、青瓜和大豆油，有效地補濕鎖水。而銀杏、西柚、尿囊素、葡萄籽和卵磷脂，可緊緻抗皺。植物抗氧化配方，有效中和曬導致的游離基，預防膠原流失，確保肌膚白滑、細緻、年輕可作妝前底霜使用，令妝容更貼服持久。兒童亦可使用！ 使用方法：早上均勻地塗於面部及頸部，在中午時再補一次。 一吱出嚟cream狀，微香，但極易推開，推開後完全唔笠！感覺勁正！ 睇吓我用完上臉，推開後，臉同之前亮度差不多，就知個感覺有幾爽YY啦！ 用完成set JaneClare小盒子內的產品，我以下呢張相，真係冇用任何底妝產品的！皮膚頗可以嗎？ 其實JaneClare小盒子內每一樣嘢都好正，但我更愛納米防日霜SPF50+ PA++，因為至鐘意日間用嘅防曬唔笠，春夏天簡真係must have item之一呢！力推呢！ 以上產品及產品資訊，全部由品牌提供
