好開心上兩星期得SaSa PR的邀請，可以去到SaSa在銅鑼灣(舊GOD址，禮頓中心)開了不久的SUPREME，一去到，已見非常金碧輝煌的門口，比佢嚇親，因為真係好似好高級咁！ 一去到，已經有個BA姐姐，企咗係門口派香水sample，正！:yes: 原來一上去，係有間Caffe HABITU the table的，幾好喎又，行到攰，可以去飲咗嘢，食吓tea，幾好！:yes: 其實係當日，SaSa的PR真係好好，在Caffe HABITU the table為每位蒞臨的bloggers們，預備了每人一份Tea set，但好可惜，我遲大到，所以不能跟大家一起享用，但她們都好好喎，話留咗一份比我，可以走時食，但由於真係比較要衝衝來，又衝衝去，所以放棄了美食！:-(( 之後，就開始參觀了！唔好講笑，呢間SaSa SUPREME真係好大，原來成20,000呎！真係不能用幾大嚟形容，係用好大嚟形容，好似睇唔到盡頭咁！ 品牌專櫃多不勝數！咩嘢products都有！ 呢間SaSa SUPREME其實比人空間感都幾多，好多地方有得比人休息同座吓，給愛靚們一個享受的空間！ 店內仲增設咗兩部電腦，讓客戶可以搜尋全香港所有的SaSa店舖資料同配備關鍵字的搜尋功能，能方便快捷於產品林立的店舖內尋找合適的產品。 另外仲有化妝counter，勁ar！仲有註塲化妝師，可以即席為您化個靚妝！勁貼心！ 除咗專櫃的品牌外，SaSa SUPREME還新增了三個在香港大家都不會不知的非常出名的品牌專櫃，就是M.A.C.、BOBBI BROWN及ANNA SUI： 估唔到呢度，除咗臉部可以扮靚之餘，連整頭都有，SaSa SUPREME仲引入了星級Hair Salon LEIGHTON AVEDA CONCEPT SALON 原來SaSa SUPREME已引入而家在香港都好流行的韓國品牌banila co.，可能會有人唔識呢個牌子，但其實佢係韓國攞好多奬的，連日本都有攞過奬！:party: 好嘢，終於都唔駛再買水貨了！可以名正言順咁買行貨了！ 當日，banila co.的staff仲即塲有化粧師及模特兒，教我地點樣用banila co.的皇牌產品化一個又快，但又好靚的隱型妝，化完真係好似冇化咁，勁透薄！但又遮到d您唔想見到的瑕疵。 最後banila co.就用佢另一隻皇牌產品Clean it Zero- Radiance緻柔缷妝膏，嚟缷去手上的防水眼線妝！ 真係好厲害喎，不出30秒，已經可以輕易地缷去手上的防水眼線妝！用完隻手仲好白喎！ 跟住去到SaSa的其中一位brand manager介紹將於10月尾左右會推出的一部會微發熱的"Beautytronic"美容儀，佢係用微温嚟發熱，喚醒底層肌膚，能在短時間內做到收緊、提升及拉提等功效的！除臉部肌膚可用外，身體都用得，可用作減肥儀，聽brand manager介紹話呢部機約2000多元，還即時找來其中一位blogger試用，這位blogger試用約3分鐘後，真係feel到眼尾的內，好似緊咗咁！同埋覺得眼尾位置提升了少許！ 參觀完店舖內，原來SaSa SUPREME內仲有一個好隱閉的地方，設立了多個品牌的Beauty Salon，幫各位愛靚的女士們做吓d唔同牌子的facial(如：SUISSE PROGRAMME, METHODE JEANNE PIAUBERT, ESTHEDERM, GUINOT, MURAD, LA COLLINE, TRANSVITAL及首次於香港開設Beauty Salon的COLLISTAR) 一入去，比呢個圓筒形的物體所吸引，原來佢係分隔區之餘，仲係一個更衣室，好有私隱度，唔駛比人眼望望！ 休憩間亦放了不同品牌的產品供客人做完facial後用。夠曬細心！ 當做完facial後，如果想做埋手部都得ga！呢度有埋Nail Shop，可以全個body挸靚咁離開！ 在參觀完畢後，SaSa pr還預備了一個抽獎環節，抽出兩位幸運兒，送出一個價hkd1,320的SUISSE PROGRAMM極緻膠原活顏全效面部護理療程，第一位是我認識的朋友，當我影佢之際，PR就讀出第二位幸運兒，竟然係自己喎！！！真係好開心！ 希望下次去呢個療程時，工作人員比我影相喇，咁我就可以為大家報告吓呢個facial有幾正了！ 最後，除了有抽奬禮物外，SaSa仲送了好大袋禮物比當天蒞臨的每位bloggers們，個個的禮物都係唔同的，咁樣仲驚喜呢！當天真係勁勁勁開心呢！:rotfl:
