面書除咗可以結交廣友之外，仲有無數咁多個機會比人抽奬，玩遊戲等等。 我前排就係法國水之道度，抽咗d試用嚟玩！ 今次估唔到係一個package嚟 就係活泉淨白亮肌套裝，雖然係試用，但應該可以足夠7天試到的！ 等我立即試吓個"活泉淨白亮肌面膜"先！ 產品簡介： 掃除黑色素細胞 即時亮白 - 掃除黑色素細胞，補濕同時活躍肌膚更新，減淡各種色斑 - 深層導入紓緩嫩白因子，發揮自我淨白能力，均勻富光澤 - 修復被紫外線傷害的肌膚，阻截新黑色素沉澱，美白之餘更徹底重拾細胞活力，即時呈現亮白透澈感 - 適合所有肌膚使用 使用方法： 潔臉爽膚後，然後用1支面膜敷勻全面，10-15分鐘後清洗 吱出嚟真係幾creamy喎！ 指引話每次用半支，但我覺得好似好浪費，所以分開咗4次用，其實佢呢支試用裝的size都用到幾多次，如果跟住指引咁，係敷得勁厚。 15分鐘過去之後，塊面真係比未用前白咗好多，水嫩曬！仲好有自然光澤！超讚呢！ 用完"活泉淨白亮肌面膜"，立即搽埋個"活泉水凝露"先 迅速補濕，美白潤澤 - 高濃度補濕精華，在肌膚表面及底層形成隱形補濕膜，持久清爽 - 發揮智能水凝控制和美白平衡作用，即時展現均勻淨白 - 強化吸收機能，肌膚更顯光采 - 適合中性或缺水肌膚使用 使用方法： 適量塗於已潔淨及使用保濕露後的肌膚上，然後再塗上面霜，以達至最佳效果 一吱出嚟，又真係幾水喎！按咗幾吓，就吸收曬了！ 用完隻手，同未用的手相比，真係光滑咗同水潤咗不少！ 然後再用上臉，中秋節嗰幾日，真係超乾，濕度得嗰60左右，我早晚都有用活泉水凝露，真係由早至晚都冇出現乾的情況，水潤情況keep住一整天！ 水之道的活泉淨白亮肌套裝，真係好啱呢排轉天氣用，就算再乾都唔駛怕，因為有佢地，可以時刻keep住潤白！
