小妹同哈子餅，都有份日式放題情意結，因為一來鐘意食日本嘢！二來，可以任食！ 而普通日式放題已經滿足唔到我們了，而家仲要有埋燒肉食，真係不得了！ 上兩星期經過銅鑼灣，見價錢唔貴，就試咗呢間 ~~ 尚鮮日式燒肉漁市場 睇吓滿唔滿足到愛食肉的哈子餅同愛食海鮮同日本嘢嘅小妹先！ 由於我哋食6點，所以都仲未有人上嚟，我哋係晚市第一枱客人，之後就開始人多了！ 用平板電腦點菜，好方便，仲有呢度叫肉類，係一件件咁叫的，幾好，唔駛一次過食同一款太多！ 可點餐如下： 先講講燒嘢，有邊幾樣先啦！ 有特選燒肉類，啱曬不同肉類愛好者！ 而燒烤類，就有不同種類嘅丸啊、腸啊、海鮮類同蔬菜類 仲有小妹最愛嘅刺身類、手卷及小食類呢！ 都唔少選擇喎！ 最後的炸物、沙律類同壽司類，店員們推介，必吃炸物！ 燒烤，又點少得了要勁飲嘢呢，呢度連飲品都係包埋的，有自助飲品專區，要飲嘢就自己攞。 如果想飲啤酒，可以加50蚊任飲麒麟一番搾啤酒 食物上枱啦，太多嘢揀，每款只叫了一點點，好吃就再叫，免得浪費食物！ 佢個拑食物的拑，都幾長，唔駛怕辣親手！ 其實好多嘢都好好食喎！但小妹揀咗以下幾樣為必食推介： 1. 刺身 2. 海鮮類：蠔、蝦及帆立背 3. 燒肉類：牛肉(牛柳、一口牛)、豬(西班牙五層肉)、雞(冬蔭功雞丁)、菠蘿、粟米及蒜蓉金菇 4. 炸物真係必食，點了3種，3種都勁好味，超正！包括炸双皮奶，芝士年糕同蕃薯天婦羅 胃就得一個，能力有限，仲要食甜品，尚燒仲有自助甜品區喎！ 小妹推介：牛奶布甸，奶味濃，甜度適中，夠滑溜！仲有熱情果小餅，因為酸酸哋，可以去除油膩！ 埋單時，仲有每人一客Movenpick雪糕，有三隻口味揀，朱古力、雲呢嗱同士多啤梨！ 由於我哋想試吓馬冀海膽，就加咗hkd98.00，追加咗一客海膽，又幾抵食喎，真係原板上，夠鮮、有甜味同冇臭味，我之前係香港食過d唔靚嘅海膽，係有一浸味的！所以在香港食海膽，真係要睇地方的！ 最後兩口子埋單，加埋一，hkd697.00，咁都抵嘅，咁多嘢食，又好味，又食得舒服！ 啱啱睇佢Facebook，仲有優惠呢！ - 晚市時段，4人同行，一人免費！ - 宵夜時段，仲有2人同行1人半價呢！ 詳請可留意：https://www.facebook.com/Sashijapanesehk/?fref=ts
