底妝，其實對一個整體妝容都幾緊要，因為如果個底妝化得唔好，再係臉上加其他嘢，都唔會覺得有錦上添花的感覺，只會像一隻日本藝妓，所以一個輕盈的底妝係好緊要的，除了輕盈同透薄外，我更希望可以有一用後，立即有水嫩及即時毛的效果，就更perfect了！係咪會太貪心呢？但原來又唔係喎，我知shu uemura即將於2013/02/04推出"革新版妝前泡沫底霜 SPF35 PA+++"，再加埋以往已推出的重點遮瑕筆及多效貼膚柔光粉餅，就可以打造到要有一個輕盈‧水感、零毛孔造型的妝容了！ 首先講解吓"革新版的妝前泡沬底霜"先，有兩款色調 - 自然底色 / 粉紅色，"革新版妝前泡沫底霜 SPF35 PA+++"比舊的"BB妝前泡沫底霜 SPF30 PA+++"更水感保濕，UV亦昇級了，之前的只有SPF30 PA+++，但現在是SPF35 PA+++，同時更能有效的隱形毛孔及持久控油，不用補妝，整天都能維持完美妝效。 睇吓試上手的感覺，真係勁透薄、輕盈同一d都唔笠，勁爽身！又易用，只要攞個五角棉，係咁印印印，就得喇，超愛！睇吓上咗手，都幾明顯，比冇用的更白淨同膚色均勻了！毛孔都遮蓋了！ 再試上臉，利用五角型化妝海棉塗上妝前泡沫底霜，再均勻推開全面，如需增強修飾毛孔效果，可於面頰位置再君一層。 一吱出嚟，起初有少少水咁，但不出1秒，已變成泡沬，仲有個黏度真係好勁ar，反轉咗隻手，都唔會成pat跌落嚟。 未用革新版妝前泡沫底霜 SPF35 PA+++前，臉色都有少許泛黃及臉上膚色不均勻等情況出現！臉頰兩邊的色斑，都比較明顯！仲有少少黑眼圈浮現呢！其實毛孔粗大的問題，我都有的，但影唔到出嚟比睇咋 其實當用完革新版妝前泡沫底霜 SPF35 PA+++後，膚色較未用前均勻了！色斑都已淺色了一點點。最緊要覺得皮膚好似突然之間吸咗一浸水咁，立即變得好水嫩，估唔到底霜都可以有補濕效果！超讚！ 再用專業遮瑕筆，將黑眼圈及色斑等瑕疵消失。 shu uemura的導師話，如果想遮黑眼圈及色斑等瑕疵，7YR-M色是最好的！而呢支專業遮瑕筆係用扭的方法，就可以輕易將遮瑕液吱出，在再臉上有瑕疵(包括黑眼圈、色斑或暗瘡等位置)的地方點幾吓，再用手blend開，就大功告成了！ 上完遮瑕，再用埋"多效貼膚柔光粉餅"，再深一步蓋住臉上的深層瑕疵！ 輕輕均勻推開，平滑細緻肌膚，提升剔透度，並具高度遮瑕，打造無瑕柔滑光感妝。 做曬成個底妝程序後，全臉的肌膚顏色都好均一，沒有出現膚色不均等情況，雀斑同黑眼圈，已完全被遮蓋了，毛孔就算吼到幾埋，都唔會睇得到！至鐘意佢超爽身，一d笠的感覺都冇！同埋個妝真係好long lasting喎，我有次放工同朋友去街，佢地都讚我話個妝幾好喎！原來佢地初初以為我放工前補咗妝先出街，但我話冇喎，個妝由早上化到晚上，都冇補過，完全有出油及乾的情況發生！平時的我，到下午，就要去補妝了，但而家唔駛lu，只要早上化好，就可以keep到一整天！勁讚呢！真係好好用！至緊要係勁好用！ 大家都想要一個"輕盈‧水感、零毛孔造型的妝容"嗎？想就於2/4去全線shu uemura專櫃睇吓喇，用完都可以好似我咁或者以下靚女模特兒咁，咁輕盈‧水感、零毛孔了！
