有一排好興用驢奶成份嚟做護膚品主題，可能比較滋潤，所以好似在春夏天時，絶跡了好一排，近排可能開始轉乾乾哋嘅天氣，所以又見活躍番！ 開始轉季喇喎，各絲打們為轉季嘅肌膚做好準備未呢？小妹呢排都開始覺得全身嘅肌膚都開始乾乾哋，而咁啱呢排又可以試吓呢隻有驢奶成份嘅 ~~ Skin Ceramic驢奶高效精華面膜 睇吓佢可唔可以SOS到我肌膚乾燥嘅問題先！ 產品簡介及主要成份：含有與人類母乳成分最為相似的驢奶 (意大利生產)，使用整瓶含有驢奶的高濃縮驢奶精華素。成份有含有烟酸酰胺、腺苷，能美白皮膚及改善皺紋的雙重效能面膜。及同時含有角鯊烷、澳洲堅果種子油、β-葡聚醣及發酵保濕成份，可以：鎮靜皮膚、提供營養、提供水分和持久保濕。 使用方法：潔臉爽膚後可直接使用，敷約15-20分鐘後，取下面膜，不用洗臉，按摩至精華吸收即可。 一開咗塊mask，只覺得勁濕潤！塊mask嘅質地仲好soft！好軟綿綿！好舒服呢！仲好貼面呢！ 攞完塊mask出嚟，仲剩咗幾多精華！ 其實敷完15分鐘Skin Ceramic驢奶高效精華面膜，第一時間覺得塊面冇之前咁紅，好似cool down曬咁，同埋唔知係咪肌膚吸飽咗水呢，毛孔都較未用前細緻咗好多，成塊面都充滿咗光澤，成塊臉有脹卜卜的感覺！呢款mask真係好適合秋冬天氣使用，用後肌膚有即時飲飽水的滋潤效果！值得再回購啊！ 以上產品及產品資訊，全部由品牌提供
