就快到農曆新年，但未結婚前，唔會諗自己咩嘢樣見人，因為覺得冇咩所謂，咩嘢樣，都會有人派利士比我 ，但今年結咗婚，就想化吓個樣，先去同人拜年，因為唔想新一年，比人見到您冇厘精神咁，咩嘢運都走曬去喇！而化妝，我就最注重眼妝，因為化咗眼妝，同冇化，真係相差好遠，化完，個人真係精神百倍！双眼明亮兼冏冏有神！ 前排見U Beauty同COLLECTION彩妝攪咗個鑽石時尚派對眼線筆及持久立體魅力眼影膏試用，就apply了，點知中咗，多謝呢！ 首先試用的是鑽石時尚派對眼線筆 $59.00 / 6ML 共12色(Glitz 閃白, Pizzazz 閃綠, Punk 閃啡, Hustle 閃彩, Le Freak 閃銀, Night Fever 閃藍, Rock Chick 深灰, Dancing Queen 閃紅, Retro Chic 閃金, Pow! 淺藍, Shake it up! 閃紫, Spandex 青綠, Va Va Voom 閃彩, Dig It 閃黑) 而我今次試用的是：Rock Chick 深灰 使用方法：直接畫在眼睫毛根部位置上即可！ 畫上手，顏色近乎黑色，但帶有銀閃粉，同埋係gel狀的！係手唔算太難畫，拖拉兩三下就上到色 再試上眼，由於今次係我第一次用gel狀眼線筆的，所以覺得gel狀比筆狀難控制，第一次畫時，比較難上色，而再番畫第二次時，又把原有的銀閃粉拖走了，最後，我差不多畫了三次，才上到色，同埋始終覺得gel狀眼線筆的揸手感覺，比用筆難，筆可以揸到好落都得，但呢d始終都係只揸住個尾，所以對我呢D畫眼線唔精的人，覺得較難控制！ 講完用時感，就講吓畫眼線後的comments喇，我一邊用咗普通深黑色眼線筆嚟做比較，用完鑽石時尚派對眼線筆後，不得不讚是，他比普通眼線筆，望落嚟更明顯，好閃，好特出，如果我控制得更好，應該個突出效果會更好！更明顯！ 畫完眼線，就試埋支持久立體魅力眼影膏，$59.00 / 4ML 共4色(Gold Rush 金色, Rock n Rose 粉紅, Copper Pot 啡色, Rockpool 藍色) 而我今次試用的是：Gold Rush 金色 使用方法：掃少許在眼蓋上，再用掃或手指印至均勻即可 畫上手，gel狀的！帶少少金，係手唔算太難畫，拖拉兩三下就上到色 再試上眼，我點咗少少，再用手blend開佢，都幾易推！推開後，已經冇漿實感覺，好易用，第一次用cream狀的eye shodow，感覺唔錯，真係好易用同好易handle！值得推介！ 用曬COLLECTION的鑽石時尚派對眼線筆及持久立體魅力眼影膏後，個眼妝都好明顯，呢個look去party真係一流！兩者個色真係好出！就算的d燈光咁黃，都出到隻金色！同d銀閃粉 化曬兩隻眼，再放番正常咁影，都唔算太跨，好自然，新年可以用呢個look去拜年了，成個樣都好sharp，但又自然，就算日頭，都唔覺得跨，其實已咁ga價錢嚟講，效果算非常好好了！值得推介！
