11月中時，apply咗JESSICA的JClub gathering，點知中咗，仲可以帶埋朋友去，真係好！咁當日就同阿妹一齊去，時間同地點都好方便，2:30先開始，啱啱食完中午飯就去了，完咗仲可以係尖沙咀行吓街！ 首先由Clinique介紹佢地先教我地秋冬的護膚知識及SOS的急救方法，講完護膚，就教我地化一個簡單而又快捷的X'MAS party look，真係好快手，15分鐘左右，就攪掂咗個出街又得，去party又得的beautiful look了！睇吓模特兒幾靚！又自然，唔算太跨張！ 講完護膚化妝，就講吓女仕至緊要的內衣，由"INTOPIA"為我們介紹，大家可能對”INTOPIA”個牌子比較陌生，但原來佢係一個英國牌子嚟ga，除咗內衣仲有睡衣買！而家暫時只有兩個地點有得買，第一個好近我，荃灣吉之島，第二個係新開的，在黃埔，我event完咗後，都去咗睇吓佢d內衣得唔得，都ok，幾柔軟同舒服，不過如果要多d人識的話，可能要下多少少苦功，多d買廣告同多d門市，先多d人識了！ 估唔到仲有內衣show睇，睇在各女士們都熱血沸騰，一d都唔覺得悶！hehe… 點擊圖片放大 +2 內衣show完後，仲有個小遊戲，揀咗5位朋友出去設計佢地自己的bra bra，然後比在座咁多位投票，勝出的可有禮品一份，之後”INTOPIA”仲送出咗多兩份禮物給第二及第三的朋友仔，都幾好，得奬者真係開心！ 有一套靚ga內衣，梗係要有番套靚衫，先至內外兼備，時裝方面，就由KOOKAI為我地介紹吓今季興d咩，同佢地公司的衣服，佢d衫都幾靚，模特兒著得！但完咗event之後去咗佢間shop度行，d衫對我嚟講，太貴了！ 以下呢幾套衫，casual look啱曬平時去街，型格又好睇！今年繼續大熱animal print！ 點擊圖片放大 以下呢兩套衫啱曬去公司的dinner或者ball，夠曬大方得體 其實我覺得今日個gathering都好襯X’mas，因為X’MAS除咗要外面靚之外，內裡都不能缺少的，要為意外，做定準備嗎！所以今次個gathering攪得好！提醒各位sis.，內外都不應忽視！ 最後竟然有咁多禮物攞走！真係開心！又又食又拎了！
