其實我每日都會上Facebook睇吓有咩嘢抽，前排見到U Magazine見到有個"U Magazine x Paul & Joe 10周年唯美化粧班"，咁就抽喇，其實都係博一博ga咋，因為幾百人抽，得10個名額可以中選，點知今次唔知點解會咁好彩，竟然有我份！多謝曬！ 其實有得出席真係好開心，因為我都幾鐘意Paul & Joe d嘢！睇吓，每一件化粧品，都包裝好靚同好精美！尤其係d giftset ga accessories，真係好靚！好colourful！ 呢個clutch bag，直程可以當手袋仔咁攞出街喇！ study room內放滿咗好多Paul & Joe的護膚同化粧產品，比我地workshop嗰晚試用！好開心，見到咁多靚嘢！呢張枱ga產品，過5、6仟gala！ workshop直式開始喇，由導師Zara小姐為我地講解及示範 一開始時，先洗臉，落咗臉上的妝容同洗去臉上的污漕物先，呢隻洗臉奶個質地好柔軟，好舒服ar！洗完就算暫時唔搽toner，一d都唔覺得乾！味道亦很清香，己我的印象，我記得好香橘子味，Zara老師話洗臉奶內有天然香薰成份，所以香味都好自然同舒服！ 洗完臉後，由於當晚我做咗workshop的model，所以有好多steps，我都影唔到呢，但ZARA老師就教咗我地洗完臉後，先用保濕嫩肌修護精華素按臉約2分鐘，當然有教埋我哋按摩的手法，按完臉，先再用toner及亮白精華素，做完護膚，就開始化底妝了。 化完底妝，就用呢set makeup collection嚟化個最主要部份的彩妝，d咭紙眼影的色好靚，咩嘢塲合都適用！ ZARA老師幫我化完一邊臉，隻眼幾明顯有神咗幾多，之後我就自己動手化埋另一邊，ZARA老師亦都好熱心咁行嚟教我化埋另外一邊！真係細心！ 今晚我的妝容最主要的化妝用品，超讚的Under Eye Concealer，用完完全遮到個黑眼圈同眼下比較凹的眼窩位，等隻眼好睇好多。另一隻超讚的產品是Mascara Primer，在用Mascara前使用，用完唔駛"痴"假眼睫毛，都有勁纖長的效果！ 化完曬喇，走時，當堂同去前，個樣唔同曬，有神曬！成個靚曬！ zoom大d隻眼比大家睇吓，我今晚的眼妝，其實好簡單，只係用咗三隻色的eye shadow、eye line同mascara 仲有禮物有得攞走，真係開心，又食又拎咁！多謝曬！
