又到秋冬喇，好開心，因為又係可以開始可以為自己化吓妝的日子，夏天我唔會化妝ga，因為我太大汗了，我估我未返到公司，個妝都應該會融曬了！而家天氣冇咁熱，就可以開始為畫吓自己個貓樣了！但化妝我估好多人都識，但您話精唔精，我可以同您講，我係一d都唔精，如果可以比我更深層次咁去學吓，當然係好事喇！ 前排見到Lady Qooza有個Miss Pairs The Beauty School攪咗個《分享愛美的心》試用活動，就apply嚟試吓，點知中咗，好嘢，可以比我學吓嘢，不知幾好！多謝曬！ 當晚一上到去佢地係柯士甸廣塲的美容學校時，一出電梯，第一個感覺就係，駛唔駛咁靚ar，原來呢間Miss Paris The Beauty School係滕原紀香同木村賣廣告嗰間美容公司，而家佢地係香港開埋美容學校喎！！佢地呢間學校仲攞咗好多奬狀tim！真係威水！ 好喇，講番我地今晚嗰化妝班現塲先，我地今晚就係呢間房度度過我地呢2.5小時，大會好細心，怕我地放工肚餓同咁多個鐘頭會口渴，預備咗d飲品同小食比我地！ 呢架化妝品車幾好喎，可以放咁多嘢，比我擁有到佢就好喇！ 好喇，化妝班開始喇，先由Miss Paris The Beauty School的校長Miss Fanny講解吓呢間學校的由來，講解完由來呢，Fanny老師就開始由落妝清潔臉部肌膚開始講起及做起 之後就係護理(toner + 保濕)，然後第一部先攪model條眉先，Fanny老師為model整完條左邊眉後，立即眉清目秀咗幾多！ 然後就開始化底妝了，由於Fanny老師話，model膚色較為偏黃，所以先用紫色調色底霜作平均膚色，令臉色冇咁黃，之後先再上粉底液。Fanny老師仲教咗我地一個試粉底液的小秘訣，佢話試上手，個色一定唔會好準，所以最好就直接試上臉，可以試在臉的右下角(即臉骨上少少位置)，咁樣個色會試得準確d，咁就唔駛怕買錯一d唔啱色的粉底液喇！同埋通常唔會一隻色的粉底液一定啱色的，所以最好買深一度同淺一度，兩隻色加埋嚟溝色，咁樣呢隻粉底液，一定完全可以match曬自己的肌膚顏色了！ 之後就上碎粉定妝同畫眉，老師話畫眉可以用眉筆、眉gel同眉粉，悉隨尊便！老師教的畫眉小貼士：眉色最好跟番自己頭髮的顏色，畫出嚟的會好睇好多！ 之後就係eye shadow了，老師話今年秋冬興浪漫紫色，所以佢今次用咗紫色為主色，同埋由於今晚教化晚妝關係，所以eye shadow係會畫出多過眼尾的，咁就就可以突出d個眼妝，但如果平時返工覺得太跨的話，可以只化到眼尾位置，就足夠了！ 之後就畫眼線了，眼線我覺得真係超難畫，老師教畫眼線小貼士，如果大家覺得邊邊比較難畫的話，先整難畫嗰邊先，畫完難畫嗰邊，就會覺得另外一邊好易畫了！畫完眼線，老師話要等眼線乾，所以先做了胭脂，胭脂當然掃在笑肌上喇！ 之後就再化埋眼下位置，包括下眼線，及在下眼尾位置加上較為深色的eye shodaw，以加強眼部輪廓 係下眼頭位置再加上珍珠色，會更加突出個效果，然後就夾眼睫毛，老師話分三part夾：最底部份、左邊及右邊 之後就搽上眼睫毛同下眼睫毛，老師話如果搽下眼睫毛液怕掂到下眼位置的話，可到買化妝用具的舒頭，買一d用具，可以蓋住成個下眼皮位置，咁就唔駛怕整污漕下眼皮位置了！ 然後再"痴"埋假眼睫毛，"痴"完假眼睫毛後，再補番條眼線，用嚟遮住D膠水印，成個眼妝就攪掂曬，睇吓化咗眼妝嗰隻，同未化嗰隻，合埋眼都好大分別！ 之後搽埋個咀，同打番少少粉，就大功告成一邊臉了！ 最後，老師為model化埋另一邊臉，就真係大功告成了！ 之後老師仲好好，留咗一小時比我地自己化，邊試唔明就可以邊問，我都當然唔執輸，立即自己動手，有唔明立即問老師喇！ 我先由底妝開始，跟住老師教的steps去做，紫色調色底霜，再用深一度+淺一度的粉底液濷色，先再搽粉底液 然後上碎粉，淺色碎粉，用嚟上臉的前半部份，深色，用嚟放臉骨及鼻等位置，可以營做3D效果，最底黑色的是眉粉 如果唔用眉粉，可以用眉gel，我用過，都幾好用，好易上色，我呢d畫眉白痴，都識用！ 然後我用咗呢支mascara，呢隻都幾好用喎，好易出到色，唔錯！之後見到呢隻色的唇彩幾靚！就搽埋佢 比大家睇吓我未化妝前，双眼幾冇神，膚色唔平均，但上化妝班後，走的樣子如下 前 2. 自己 3. 老師幫我畫龍點晴後的樣子 我自己化的，我都覺得不算太差，豈碼臉色均勻了，眼仔比芝前大了一點，但經過老師再幫我畫一畫條眉及在眼妝加兩筆後，立即唔同曬！眼立即有神幾多，大了一倍都有！呢句話，真係好好，世上有醜女人，只有懶ga女人！講得一d都冇錯，只要您肯攞d時間同金錢出嚟，幾醜的女人，都可以變一個靚女的！ 最後Miss Paris The Beauty School仲送咗d小禮物比我哋出席ga bloggers喎！真係多謝曬！我返到屋企已急不及待開嚟用，因為老師在開課前講話呢隻洗臉foam好好用，可以一星期用一次當去角質層的，我返到屋企開嚟用，個質感好似scrub，老師話D粒子係銀杏，我洗完塊臉真係好滑，仲一d都唔乾喎！好好用！
