呢排小妹不停同大家提住轉季!轉季!都係想大家注意吓,得閒要留意吓,自己肌膚有咩嘢變化? 小妺呢排都覺得,有時臉部會覺得乾乾哋,有時仲有少少繃緊呢! 有d時候,仲可能會有過敏情況出現呢,如痕癢、起紅咁啦! 不過我又唔係太擔心,因為我呢排試咗呢支 ~~ Topicrem 皇牌產品「4重注水紓敏保濕乳」,睇吓佢幫到我d咩先! 產品簡介:以24小時保濕複合物及高純淨度的活性成分,低敏且高耐受性,迅速為肌膚注滿水分,以確保敏感肌膚維持水潤富彈性狀態,鞏固肌膚天然保護屏障,提供全效修護,令健康肌膚自我重生。產品不含Paraben類防腐劑,更適合嬰幼兒、孕婦及哺乳期婦女使用。 主要成份:尿素、甘油、甘油硬脂酸、維他命 E 一吱出嚟,雖然話係cream,但係幾猜帶水嘅cream狀咁!好易推開,味道只係微香 用係隻手度,又真係好睇到個滋潤保濕效果喎! 睇吓隻手用完後,幾油潤保濕!同未用前,差幾倍!最明顯係d手指位。 使用方法: 早晚潔膚後,取適量於面部肌膚上輕輕塗搽 再試埋上面先! 其實小妹塊面係有d應該係肌底下缺水,所以有少少繃緊效果,但未至於話發到上臉有好勁嘅乾紋,所以用上臉時,冇手個效果咁出,但晚上使用後,就算而家受咗一 晚冷氣嘅催殘後,第二天瞓醒時則覺得少咗之前嗰隻繃緊感覺,仲好有啱啱搽完保濕霜的感覺!而而家日間,就算同樣受住冷氣同工作壓力嘅催殘後,都唔覺有繃緊感,連有時因為缺水而導至嘅出油情況亦得到改善呢! 有咗Topicrem「4重注水紓敏保濕乳」咩嘢時候、咩嘢季節,就算將來有bb時,都唔駛怕臉乾乾啦!時刻保持水嫩低敏肌膚啦! 以上產品及產品資訊,全部由品牌提供