仲有一個月唔夠，就去到我至愛的聖誕節了，臨近聖誕，好想做番d應吓節的事，例如為頭髮變吓色調咁喇，我去到聖誕，好鐘意染到個頭紅紅地，應吓節嗎！但紅色永遠係我心目中，覺得去salon先做到想要的效果，因為在家做呢d色，係超難上色的！ 前排見到IMORE連染髮霜都有得試用，咁就apply吓，點知中咗，當收到後，仲開心，係我想染的顏色，多謝曬！睇個盒，隻色好靚喎！襯曬聖誕喇！ 產品成份及功能 ~ 成份：凝護膠元、角質蛋白和膠原蛋白 功能：由於加入了光彩亮複合物，能令髮色耀目光澤，持久顯色，高效保濕成份，能修復髮質受損表，秀髮比染前更強韌高達85%，更有效遮蓋白髮 盒面必寫：安全使用說明 今次染的是P64濃烈銅紅色﹐頭髮顏色愈淺個色會愈出的！ 盒內有手套、另由右至左起，一套四件染髮用品： 1. 染前修護精華2. 護髮染髮霜3. 顯色敷用劑4. 染後滋養護髮素 使用方法：先洗乾淨頭髮，吹乾，再在肩上圍上毛巾，以保護衣物及戴上手套 跟住就塗上1. 染前修護精華於頭髮中段至髮尾，呢隻染前修護精華幾香喎，用完d頭髮好似有保護膜保護住咁！ 然後，將2. 護髮染髮霜及3. 顯色敷用劑混合，混合埋後，就好似橙紅色咁，就可以染髮了 再塗抹在頭髮上，先從髮根及白髮開始塗抹至全部頭髮，搽勻後，如有浴帽，就包住佢，我覺得咁樣會上色d！由於我有較多白髮及頭髮較硬和粗，所以說明書上建議我多染5-10分鐘，所以我共染咗40分鐘先去沖洗，如一般染髮者，只需30分鐘便可以了！ 個味都幾濃烈呢，我老公幫我染時，佢都話個味幾"哽"！ 塗抺染髮霜小貼士，如果各位女士們頭髮比較厚和長的話，建議使用2盒，因我頭髮都係過肩，一盒真係好啱啱好，髮尾緊緊能塗抺到染髮霜咋！所以預多好過預少！ 之後就用水沖洗乾淨頭上的染髮劑，再用埋4. 染後滋養護髮素，再輕輕在頭皮上按摩約2分鐘，再沖洗乾淨後，即成！ 個味幾香，可以蓋番曬頭先染髮霜的味道，不錯！個護髮素好creamy，用於染後的頭髮真的很好，可以呵護吓d頭髮！ 先比大家睇睇我未用L'Oréal Paris 優媚霜時尚凡魅力系列前，頭頂上有明顯的白髮及頭髮比較旱及冇厘生氣咁！ 用完"L'Oréal Paris 優媚霜時尚凡魅力系列"喇，頭上的白髮已經冇曬喇，雖然個紅色冇盒上面個model個色咁勁(可能因為人地係淺色頭髮關係掛，haha)但效果我覺得都可以喎，我反而好滿意呢個紅色，好襯聖誕節！染完頭髮，d頭髮仲要一d都唔覺得旱，仲好柔滑同好有光澤！仲有一樣嘢係好咗的是，平時染完髮，會覺得自己甩好多頭髮，但用完呢隻L'Oréal Paris 優媚霜時尚凡魅力系列後，甩頭髮比平時甩少咗！頭髮真係變得強韌了！固唔到染髮同時，可以修護同強韌秀髮！真係好好！ 我染完髮後，第二天返到公司，有個男同事問我，你染咗髮ar？我話係ar！佢話，呢隻色又幾好睇喎，好襯您！哈，估唔到隻色真係咁ok！hehe！ 最後睇番原來"L'Oréal Paris 優媚霜時尚凡魅力系列"係2012/12/07先在市面上有得賣，就更加開心，因為可以快人一步試到嗎！效果仲要咁好！值得推介！ L'oreal Paris染髮系列除了有剛才介紹過的”優媚霜時尚凡魅力系列”外，仲有"全效護理洗髮露"，"全效護理護髮素"，"全效護理養髮膜"和"夜間修護精華"的保養系列，供染髮後作修護使用的。用曬成條line擔保您頭髮靚靚﹐色澤必定更加持久！
