有一排好興用驢奶成份嚟做護膚品主題，可能比較滋潤，所以好似在春夏天時，絶跡了好一排，近排可能開始轉乾乾哋嘅天氣，所以又見活躍番！ 真係開始轉季喇！小妹呢排都開始覺得全身嘅肌膚都開始乾乾哋，而咁啱呢排又可以試吓呢隻有驢奶成份嘅 ~~ Skin Ceramic驢奶保濕精華 睇吓佢可唔可以改善到我肌膚乾的問題先！ 產品簡介：質地透薄的高濃度營養補濕精華，富含多種發酵精華加快細胞代謝，提升肌膚抵抗力、彈性、改善暗沉，保持肌膚健康。使用後皮膚透亮彈滑，重現健康活力，散發自然光澤感。 主要成份： ~ 意大利驢奶：抗氧化、保濕、抗皺，抗衰老、鎮靜、修復受損皮膚 ~ 酵母菌發酵精華：改善膚質，去除老化角質，補濕，令肌膚澄淨透亮 ~ 乳酸發酵精華：保持肌膚健康，活化細胞，提升彈性、抵抗力 ~ 透明質酸及葡聚糖：保濕 ~ 馬齒莧及米糠提取物：美白，抗皺 ，舒緩，平滑肌膚 吱咗d上水試先，微香，幾水嘅gel狀，勁易推開！ 睇吓我隻手嘅效果先，睇吓以下Before & After張相，好明顯用完Skin Ceramic驢奶保濕精華有頗高的保濕滋潤效果，隻手好似搽咗潤膚油咁水潤，手紋都馬上被滋潤了！唔好似為好似好油潤咁，一定會好笠，但吸收曬後，又唔係話好笠咋喎！微笠在秋冬天係可以接受的！因為秋冬天正需要呢d！先會冇咁乾！ 再試上臉先，輕輕取適量，再按摩至吸收即可。 其 實小妹塊面係有d應該係肌底下缺水，所以有少少繃緊效果，但未至於話發到上臉有好勁嘅乾紋，所以用上臉時，冇手個效果咁出，但晚上使用後，就算而家受咗一 晚冷氣嘅催殘後，第二天瞓醒時則覺得少咗之前嗰隻繃緊感覺，仲好有啱啱搽完保濕霜的感覺！而而家日間，就算同樣受住冷氣同工作壓力嘅催殘後，都唔覺有繃緊感同因缺水而導至出油情況都改善咗唔少呢！ 以上產品及產品資訊，全部由品牌提供
