如果大家有用開化粧品，都知道差不多呢d月份，又係大大小小的化粧品公司，又會開始出d 唔同主題的collection去迎接聖誕節，今年我最期待的，反而係shu uemura同時裝界潮人，有老佛爺之稱的Karl Lagerfeld整咗個Karl Lagerfeld for shu uemura Holiday collection 2012，呢個系列所用的公仔叫”mou shu girl”，意思係”我最親愛的植村秀”，已表達老佛爺對植村秀先生致敬之情，估唔到平時咁高傲ga老佛爺，都會欣賞別人的！hehe… 但最意想不到是，估唔到，我咁快就可以擁有佢，十萬個多謝eLadies！！！ 今次試用的是：karl for shu prestigious Bordeaux palette ($580，植村秀專門店有售) 其實收到的時候，我已然好開心，因為覺得個包裝盒好靚，熨曬閃字，一開裡面個mou shu girl第一眼就覺得好可愛，bob頭+彩妝！我初初仲以為mon shu girl係解，每位女仕如果用完呢個collection後，會好似呢個女仔咁可愛同靚tim！但同背後真正的意思有好大分別呢！ 先講吓呢個set先，靈感來自Karl骨子裡的醉人浪漫，將波爾多的醉紫色凝聚呈現於彩妝盒內，配合秋冬大熱眼影系，鑽閃深啡，珍珠紫，温柔啡，閃金棕及珊瑚紅胭脂，打造奢華迷人的妝容。 限量版眼影胭脂彩妝盒，擁有別緻色彩，絲滑質感，由Karl Lagerfeld時裝設計引發令人讚嘆的美，還運用古典與時尚矜貴色彩，誘發形象蛻變。彩妝盒內，仲有迷人鏡子，呈現”mou shu girl”的輪廓，盒上還有”SUKL”標誌紅黑浮層圖案綴於眼影粉上。 順序打橫由第一行左至右比較閃的：絲滑眼影 ~ 鑽閃深紫色及鑽閃深啡色 第二行左至右及第三行左邊的：鑽閃眼影 ~ 珍珠紫色、温柔啡色及閃金棕色 第三行右邊的：胭脂 ~ 珊瑚紅 我第一個感覺，d色好靚，好閃，啱曬冬天d沉色衫同好啱嚟緊ga x’mas用！ d色掃咗上紙巾，都幾出，頭兩行嗰兩隻比較閃色絲滑眼影，可以放係眼皮，作為打深輪廓，之後再用鑽閃眼影，其中一隻色，可搽係眼窩位，作為再突出d輪廓 盒內的眼影及胭脂小掃d毛好柔軟，就算掃上眼呢d咁脆弱ga地方，都唔會覺得唔舒服 我再試一試上眼先，我先用"絲滑眼影 - 鑽閃深紫色"搽於眼皮，作為打深輪廓，之後再用"鑽閃眼影 - 閃金棕色"搽系眼窩位，作為再突出d輪廓，希望大家唔好介意我化得比較核突喇，因我真係好少化眼妝，就算我出街，都只係搽mascara咋，體諒，不過呢只眼影，比我想像中易用，因為都好易上色，我只係掃咗幾吓，就咁明顯了！ 我仲試埋只胭脂tim，不過如果大家用，記住唔好好似我咁重手，化妝除咗化只眼係我覺得勁難外，掃胭脂對我嚟講，都係勁難，我怕掃得唔好，就好似我咁，掃到好似馬騮屎忽咁，不過呢只色，估唔到用於我的皮膚會變得咁pink，又真係幾靚，如果我唔係咁重手，我諗隻色都幾cutie的！ 睜開咗眼睛，就冇合埋咁明顯，但都見到有鑽閃深紫色同閃金棕色 在眼皮上 再對比番兩隻眼，隻色都出喎，化咗少少眼粧，同冇化嗰隻，相差幾遠，化咗嗰隻，感覺上有神好多！好嘢，x'mas唔駛愁化咩眼妝了，因有了karl for shu prestigious Bordeaux palette，就可以有新攪作了！可以化d閃爍d而又突出的眼妝去party了！ Karl Lagerfeld for shu uemura Holiday collection 2012仲有不同我化粧用品ga，有興趣可以入去呢條link：http://xmas.shu-uemura.com.hk/xmas.html或者去全線shu uemura睇吓！
