我諗10個女仕，豈碼至少大半都鐘意做Facial，而我自己真係十分之十分之鐘意做facial，因為鐘意比人捽吓捽吓塊臉(不論人手按或都做機)，捽完之後，會立即覺得自己靚咗，同埋做FACIAL時，真係好relax，我每次都在過程中瞓到半死！ 前排去開theZtyle.com見到佢地同Phillip Wain攪咗個”逆轉肌齡透白療程體驗活動”，其實我平時唔敢去呢d地方做facial ga，因為怕好hard sell，但今次可以唔駛錢咁試吓，都好！咁就APPLY喇！點知中咗喎！多謝曬！ 我今次book咗做treatment的地點是尖沙咀美麗華中心，一去到reception已經好有氣派，我即時心諗，名牌子真係唔同d，再睇睇佢地放咩嘢products出嚟，嗰隻牌子我都識，唔平，係瑞士牌子嚟的，之後係reception座咗一陣，就有Phillip Wain有同事叫咗我行入去另外一度門，一開嗰度門，同reception都頗大分別，reception已經大，但裡面仲大！ 之後Phillip Wain的同事帶我去咗換衫嗰度，我好快咁偷影咗一張相(因為嗰度係唔比影相的！)，換衫間嗰度好光猛同整潔，LOCKER內有曬大小毛巾同浴袍，仲有埋紙拖鞋，個感覺好warm，好正！ 換好曬衫，入療程房間了，一邊行，一邊同美容師講，您地呢度都好大喎！分咗都幾多個區！做gym的另一邊，休息區內又有健康食品供應，有一個counter係賣做gym衣服的，做treatment又另外一邊 一開門，看見treament房間，即想大叫，駛唔駛咁大間ar？平時d美容院，放到張床後，只係得一條行仔比你行，美容師一推咗架車入嚟之後，真係唔駛旨意再旭，但呢度濶落到不得了，企多10幾個人入嚟都得ar，仲要有洗手盤呢樣嘢先好嘢！有時d美容師按完人客個頭，又要走出去洗手，先可以再掂塊臉，房內有洗手盤，就慳番唔少呢d時間了！ 先介紹吓呢個療程先： 逆轉肌齡透白療程 (現有特別優惠: 登入http://hkcosme.com/phillipwain/04hfjuc40/，即可以HK$388享受逆轉肌齡透白療程，更加送1天免費健身會籍。優惠期由即日起至2012年12月31日) 療程特色：無針注射配合冷凍技術，激活真皮細胞及保護細胞基因組織，比一般無針注滲率增加20%。透過冷熱交替操作，有效活化細胞、收緊毛孔及提升輪廓。配合幹細胞精華、輸細胞膠原面膜及法國美白保濕精華，並附送美白手部護理，令肌膚重現亮白、細緻，重展年輕肌膚。 療程功效 - 補充細胞養份，活化細胞及廷長細胞生命時鐘 - 增加皮膚滋養度及細胞含水量，亮化肌膚 - 增加皮防禦功能，減少敏感徵狀 - 輪廓提升、毛孔緊緻 - 即時減淡皺紋及幼紋 介完個facial後，逆轉肌齡透白療程正式開始，先清潔，下面張相係peeling中 peeling完，美容師仲好快速咁同我針清咗同修咗少少眉 入正題喇！今日treatment最主要的用料！ 包括： 高身白樽蓋: 美白保濕精華 (來自法國)針筒：幹細胞黃苓苷精華 (來自德國)茶色樽：超效美白保濕精華 (來自法國)mask：幹細胞黃苓苷粹取物膠原面膜 (來自德國) 好多幹細胞精華+美白保濕精華呀！正！ 第一PART先用高身白樽蓋: 美白保濕精華，按臉+頸按摩，美容師手法超正，我好快已想冚入半昏迷狀態，但我又叫自己唔好瞓，因為我要用腦去紀錄佢做過d咩，真係慘！ 但手勢好想叫我要深層昏迷咁，最後我都係 了！因為實在太舒服了！我的昏迷狀態，直至呢部機的出現，我就成個醒曬了！呢部就係我今日的主菜，Cryojet機，美容師話有兩個頭，一個用嚟做臉，而另一個就用嚟做身的，做身就應用於減肥身上！ 一個頭可以做曬熱能同冷凍的滲透，真方便！ 先用"幹細胞黃苓苷精華"，用熱能慘透功能"碌"七分鐘左右，令產品直接輸入至皮膚底層及真皮細胞，有效活化細胞。 再用"嫩白淡斑保濕精華"，用冷凍慘透功能"碌"七分鐘左右，能收緊毛孔，提升輪廓等功效，而嫩白保濕精華亦含桑樹精華、虎耳草、黃岑及葡萄精華，能有效抑制酪胺酸酶的活性，減少黑色素之形成，也同時有效淡化黑色素，高效抗氧化，令膚色均勻。 “碌”熱能慘透時，真係好舒服，因為暖暖地，有少少令毛孔擴張，好似feel到d毛孔係度係咁吸收養份咁，好正！ 而”碌”冷凍時慘透時，比我想像中冇咁凍，個凍的程度對我嚟講，完全可以接受，即時feel到成塊面的肌膚好似收縮曬咁，緊緻曬！ '碌"完熱能同冷凍慘透後，敷埋個"幹細胞黃苓苷粹取物精華膠原面膜"，原來呢個面膜d成份都好矜貴，主要成份包括： - 瑞士雪山長壽果幹細胞，能廷緩皮膚衰老的能力較其他植物幹細胞強32%，含極高量單寧酸，能明顯減低皺紋深度及改善皮膚。 - 白藜蘆醇，從葡萄提取的高濃度抗氧化劑，能促進細胞活躍生長，抗自由基不令細胞受損，保持皮膚明亮剔透。 - 黃苓苷(諾貝爾得奬技術)，補充細胞養份，廷長細胞生物時鐘，保護細胞瑞粒，防止皮膚過早老化，重現年輕光芒。 個mask好似一塊啫喱mask，涼涼地咁，咩嘢味道我就唔記得咗了，但敷咗上臉感覺十分良好！ 下面張相比較突，因為係我咩嘢都睇唔到時自拍的，請見諒！ 做呢個treatment仲有個手部按摩，我聞到d味，美容師好似係用美白保濕精華嚟幫我按手的，真係爽！隻手按完，都即時feel到白淨同滑溜曬！ 美容師話敷完個mask唔駛要抺臉的，因為留係我臉上全部都係精華所在 當我行咗出去後，照鏡都嚇咗一跳，wa，咩皮膚好過之前咁多ga，望上去勁有生氣，真係好白淨，又滑溜！毛孔仲收細了，勁有光澤！之前做嗰冷熱頭時，仲驚又冷又熱，我d皮膚會頂唔住，但做完後，一d敏感情況都冇出現過喎，連紅都冇！超讚ar！ 再zoom埋d睇，真係勁有光澤！皮膚仲firm曬tim！ 療程後，我行咗去沐浴嗰邊，嗰度又好大喎，有steam同桑拿不特止，我仲steam埋先去沖涼，而呢度仲有一個好休間的攤抖區，放咗幾張沙灘椅，係度比人瞓係度休息！沐浴間亦都好乾淨，舒適！ 好鐘意呢度好整潔，我咁啱冇帶梳嚟，而呢度亦有梳供應，消毒咗放一邊，用過的放另一邊，會有d姐姐攞去清潔及消毒後先再放出嚟比各位使用！ 平時去開美容院做FACIAL，好多時候都係d美容師幫您搽埋臉先離開，但呢度好好，可以沖好曬涼，慢慢先自己搽臉，由清潔、爽膚，眼霜，臉霜同BODY LOTION都一應俱備，完全唔理您吱幾多，用幾多，唔駛冇得用！真好！ 後記：咁啱我做完呢個FACIAL之後嗰日，就係我的大喜日子，唔知係咪因為塊面d皮膚firm咗的關係，我好多親戚朋友都話我塊面比以前瘦了，hehe，估唔到可以令皮膚靚咗之餘，仲有少少瘦臉效果！ 如果大家有興趣做吓呢個”逆轉肌齡透白療程”，可以上去Phillip Wain的website、facebook或者店舖度了解吓的！ Phillip Wain菲力偉健美中心的店舖資料: 尖沙咀金巴利道1-23號美麗華商場11字樓 (2377 3888) 銅鑼灣恩平道28號利園2期4字樓 (2882 7880) 太古城中心第4期2字樓 (2513 1333) 官方網頁: http://www.phillip-wain.com.hk Facebook: https://www.facebook.com/phillipwainhk
