成日係度諗，如果可以將臉色的黑色素同頭頂上邊去調轉，幾好呢？我臉上的肌膚係勁唔想要冇黑色素，但頭頂上就要勁多黑色素，所以真係希望可以完全調轉。 其實唔好話臉的肌膚可以睇到一個人的老態，頭上的煩惱絲，一樣睇得出，由於我頭上的煩惱絲，我估大約都有1/4變咗白，所以我都要定期要染髮，呢排直程大約2個月就要染一次，都唔好話唔傷，我都好驚終有一天，我的頭髮會頂唔住甩曬。其實我而家每一天甩的頭髮，真係多到不得了，庆幸自己d頭髮仲好厚，如果唔係晨早已經甩頭髮甩到七七八八了！ 所以我除了染髮用品外，我亦經常留意有冇一些產品，可以將烏絲重現的，但好可惜，暫時唔多，有都好貴，所以一直冇機會試。上次睇到iMORE 體驗團有個”SHISEIDO 強效育髮精華素”試用，咁就apply嚟試吓，點知中咗，勁開心！多謝iMORE！因為我真係好想救救我的煩惱絲，希望”SHISEIDO 強效育髮精華素”真係可以幫到我！ SHISEIDO 強效育髮精華素 (180ml / $620) Shiseido專櫃有售 產品簡介：Adenovital強效育髮精華解構頭髮生長原理，為您激活基因，喚醒頭髮生命力，生長及培育健康、強韌、烏黑髮絲，由"活髮"升級至"育髮"，直接於基因發揮作用，高效成分滲透髮根，促進髮絲健康生長，孕育優質、豐盈烏黑髮絲。 成份及功效： 1. 育髮：- 腺苷~~是Shiseido獨創的生物科技研高效成分，有效激活FGF7基因，促進髮絲生長，令頭髮變得粗壯，經臨床測試證實，腺苷配方能令94.1%男性及84.3%女性的脫髮情況得以改善。- 山金車精華~~刺激毛乳頭增生。 2. 烏黑秀髮成份，可激活MITF基因，加強製造黑色素- 蛇麻草及山椒精華~~令髮絲回復烏黑 3. 強韌髮絲成份，活躍KAP5基因- 柱芒柄花精華~~增強鱗狀表層強韌度- 紫蘇精華~~防止頭髮被糖化以強化髮芯 再比我頭上的白頭髮恐怖情況大家睇吓！其實已我呢個年紀嚟講，都算好跨張喇！d白頭髮比我感覺到，其實d頭髮已經死了，因為生出嚟白色嗰d係完全冇生氣，係一條枯頭髮咁！都唔好話唔影響外觀！ 其實每次洗完頭之後，吹頭，都不少甩咁多頭髮 使用方法： - 每日早晚使用：使用前，先清洗髮絲，用毛巾抺乾頭髮及皮層。- 均勻塗抺於頭皮層，特別是有需要的部位，將樽口貼近頭皮層，酌量塗上，並以手指加以配合塗勻，由上至下緩緩地塗於頭皮層，每部份相隔3 -4c m。- 配合按摩，滲透頭皮層，用手指頭輕柔按摩整個頭皮層，在頭皮層上輕輕按摩整個頭皮層。 吱出嚟後，其實我覺得個味都幾濃烈，仲有少少感覺"那"鼻feel，我仲擔心用上頭，會唔會一浸味，但用咗上頭，只覺得涼完一浸，就冇曬嗰種味，完全唔駛擔心！ 用完個頭，一d都唔會覺得笠同其他影響 用咗一個月之後，頭髮真係比以前明顯甩少了，強韌了！就算真係甩出嚟的頭髮，明顯比以前幼細了，同埋頭上的頭髮比之前貼服了，順滑了，有天然的光澤。因為我要盡快流長d頭髮嚟影相，所以呢個月裡面，我覺得頭髮真係長咗唔少，呢支係一支好好的頭髮護理液。不論男女都啱用！尤其係適合脫髮人仕！ 我呢個月真係冇染頭髮，希望可以睇到效果，睇吓我最concern的白頭髮呢？雖然都依然痴住我個頭，但好似比之前少了一點點，我亦都冇期望過真係用一個月會完全跟治我的白髮，仙丹咩，一個月可以跟治，就算人地同您講話有，都唔好用喇！都唔知有咩後遺症，而家只希望keep住用，過多兩個月，可以有更加好的改善喇！煩惱絲，尤其係白色了的煩惱絲，真係好令人煩惱！希望可以快d解決呢個問題！
