作為面書忠實粉絲的我，有咩嘢試用，都會即刻apply嚟抽吓，前排睇開Colourmix的facebook，見到佢地攪咗嗰適合自己心水的BB cream試用，咁我就apply咗"保濕"嚟試用，點知結果公佈當日，竟然有我喎，真係要多謝曬Colourmix呢！ 其實我自己對底妝第一件最緊要是保濕度，第二是防曬度，第三先會係遮瑕，所以呢支保濕的bb cream就啱曬我了！ Lioele保濕冰藍水珠BB修飾霜SPF27PA+++(一色) - 50ml / $160.00 (全線Colourmix有售) 產品簡介：Lioele冰藍水珠BB修飾霜SPF27PA+++即時於肌膚上形成水珠及提供冰涼感覺，為肌膚灌注大水份，並舒緩乾燥現象。能自然地遮蓋面部瑕疵，帶出水潤光澤、明亮透徹美肌。 成份：透明質酸，金縷梅，蘆薈，木瓜，桃子萃取精華 使用方法： 將” Lioele冰藍水珠BB修飾霜SPF27PA+++”塗於臉上，利用指尖輕輕由內至外推開，直至均勻即可。 一吱出嚟，唔杰身喎，幾好，好易推開！推完後好得意，有少少水珠的，但又佢吸收，好快就冇咗d小水珠！ 而我的習慣其實係鐘意用海棉上粉底液的，因為覺得會均勻d，貼服d！ 搽咗上臉喇！大家覺得明唔明顯呢？估吓我邊邊臉搽咗？係左邊臉呢，因為明顯冇咗d雀斑、毛孔同細紋，而右邊臉，好明顯仲有頭先嗰幾樣嘢呢！ 搽完喇，係咪好自然呢？我個人覺得都幾NUDE吓！但其實已經好明顯咁遮咗我臉上的色斑、毛孔同細紋了，而家膚色幾均勻，好似一d缺點都冇咁！終於都明白點解韓國d女仔咁靚了！ 仲要好水潤呢！keep住全天都冇臉乾及出油的情況！塊面好似全日都比水浸住咁！超讚呢！我覺得勁適合夏天用呢！簡直係夏天must be item之一！可以靚靚咁出街了！
