夏天又係d biniki、小背心、短裙同短褲出動的日子，所以一定要keep住纖瘦的身型，先對得住自己，hehe… 而通常keep fit的第一步，我相信不少女性都係同我一樣，就係節食，因為效果都算幾快見得到，我試過有一次想極速減肥，就keep住三日的三餐都只食蘋果，嗰次真係瘦得好快，但結果嗰三日，我一d都唔好過，心情出現咗抑鬱、低落等情況，所以嗰次之後，我唔敢再咁樣減肥了！因為真係怕咗呢d徵狀。 而keep fit的第二步，就係食藥，呢個方法，其實都真係減得算幾快，每餐食飯前半小時，食幾粒減肥藥，再加兩杯水，之後就可以keep住平時食量，但我食咗一天減肥藥後，第二天，我痾咗七次，仲要一食完肥膩食物，又要走去痾，試過最尷尬一次係我照常食完一天的藥後，第二日要船P，大家都知船P點會食清淡嘢，食完船P d嘢之後，我痾到癲咗咁，唔係話痾一次喎，食完嘢到完咗船P嗰4個鐘，我足足痾咗10次都有，一落水，又要上番水去廁所咁滞，所以之後，我都唔敢再食減肥藥減肥！ 所以keep fit最好就可以係日常飲食中進行，可以係一至兩餐中，飲d飽肚的東西，因而減少食慾，係一個好好的keep fit方法嚟ga，而飽肚飲品，我首選係奶，因為真係好頂得飽，但奶之中，都要揀一些脫脂的，才能真正唔肥，前排就有機會試吓三花高鈣脫脂奶粉，好，我就用14天嚟進行一下我的瘦身計劃先！ 見到個奶粉罐寫上100%澳洲奶源，大可放心飲用，仲加入咗健骨窈窕配方！ 睇佢罐後的簡介，真係完全為控制健美而設的！ 原來每天吸收足夠的鈣質，再配合均衡的飲食，係可以加速身陳代謝，有效控制體重同健美功效的。 營養資料表： 成份： 一開裡面有量杯膠匙，十分之方便 飲用方法：5 x 1膠匙 + 250ml室温水 以前其實我不喜歡飲奶粉的，因為覺得味道唔夠，好似飲奶水咁，但三花呢隻高鈣脫脂奶粉又唔錯喎，奶味都算幾香濃，易入口！ 其實飲完杯奶真係好抵得飽，我早餐飲一杯，就已經覺得飽了，可以頂到LUNCH先食飯，而下午茶覺餓時，又會再飲一杯，咁就可以頂到晚飯時間先食晚飯，真係好方便，又簡單又快捷的充飢食品！ 唔知係咪因為添加了ACTIFIBARS的關係呢，未飲用前，由於返工壓力大同有時食飯都唔正常，所以每天都不會正常排便，有時甚至幾天才能排一次便，所以皮膚質素會比較差，但飲用了三花高鈣脫脂奶粉後，每天都可正常排便，由於有得去toilet原固，所以肚腩仔都細了，條腰型返曬嚟，皮膚質素亦好了，冇之前咁多暗粒同暗啞！另一方面我覺得對我有好大改善的就是M痛，因為以前睇過d雜誌講，如果平時有攝取足夠的鈣質，是能夠適當減少經痛的，我飲咗10多天後，今次嚟M，真係比之前嚟時，痛少了，至少不用食止痛藥先，所以呢樣對我嚟講，覺得是最明顯的！ 未飲用前的測量記錄，由公作人員幫我量度的，所以一定準 飲用14天後的測量紀錄，磅重冇明顯改變，工作人員話係正常的，而腰圍及臀圍瘦了1寸，算係咁喇，雖然磅數冇咩變過，但度出嚟的腰圍同臀圍都明顯瘦咗1寸，有時瘦磅不瘦寸，有時仲驚，因為減水同真係減肉係兩回事，所以都已經算係有成績了！ 幫我做紀錄的好媽咪Baby-mo靚女工作人員好好ar，佢仲送多咗罐奶比我tim，另外原來交番張form返去，會送番咁多禮物的，其實仲有盒無糖白咖啡，但我比咗我男友飲。有嘢，有好幾天的早餐了！多謝曬！
