我前排又懶咗好一排啦，差不多成個月冇update個blog了，因為在3月中後完泡菜國後，太思念旅行時嘅開心情景，所以又開始躲懶了！又要的起心肝，勤力d攪番自己個blog，希望下星期開始，可以出一出番去旅行時所見所聞的旅遊文吧！哈哈… 好言歸正傳先！因為我3月中時去泡菜國嗰邊，都比較乾爽，堅乾，天氣好似香港嘅冬天一樣！所以去完旅行後，一直想做facial，但我做開嗰間 facial，美容師因為放咗假，時間太難就，所以一直做唔到，好彩上星期得到Water Oasis的靚女PR邀請，可以試做Eurobeauté全新推出嘅 ~ 皇牌V面注氧亮肌療程組合！ 不過今次做呢個療程同平時有唔同哦，目的係俾我體驗一下點使用Eurobeauté嘅產品，喺屋企自制Home Salon級facial，好新鮮哦~~~ 咁以後就唔駛驚book唔到做facial啦! 今次療程係係銅鑼灣廣場店度做，地方又幾寛敞喎，仲放滿咗佢地會用嚟做療程同代理嘅品牌產品呢！ 首先同大家好快咁介紹吓呢個品牌先！因為可能大家對呢個品牌都有點陌生。 Eurobeauté品牌其實係由資深美容專家圑隊致力搜羅歐美、專業優質的高端美容中心成份及美療科技，以四大美療概念作為基礎，包括： 1. Enrich (滋養) 2. Unveil (煥顏) 3. Reboost (激活) 4. Organize (重整) 而Eurobeauté作為專業的美療護膚品牌，亦協助東方亞洲女仕建立個人專屬的家用美療方案，只需安座家中，亦可將專業美容療程的高效護膚效能全面發揮，創建真正屬於個人的"Home Salon"。 而我療程當天所用到的Eurobeauté產品，包括：緊緻嫩肌導入原液、活效緊緻修護霜、緊緻亮白眼部導原液、亮白黑啫喱眼膜、V-Lift極緻塑型提升 面膜和皇牌O2深層注氧補濕面膜，其實靚女PR同我講，如果試完呢次療程，覺得Eurobeauté嘅產品好用，可以係任何一間Water Oasis的美容店購買或者去Eurobeauté在銅鑼灣皇室堡新開的專門店內購買回家使用的！真方便，又可在美容院內使用，又可在家中自行使用！ 好啦，療程開始啦，療程前，美容師都係例行要做嘅嘢，先為我雙手敷上手膜，然後就幫我缷妝、清潔臉部、steam機steam面部、再針清、修眉，不得不讚 美容師嘅手勢，幫我針清時完全唔痛，我差d已瞓著，您話幾手勢有幾好，但唔好以為hea住針，係有針清的，因我feel到佢吱我d黑頭，只係唔痛而已！ 做完例行事後，就開始<皇牌V面注氧亮肌療程組合>啦！美容師先用Eurobeauté緊緻嫩肌導入原液加微電流儀器機做導入，個導入原液好 水潤啊！美容師一幫我搽咗上去，塊面即刻唔覺得乾喎，而且質地好滑！而呢度呢款導入儀，有別於我平時用開嗰d"碌吓碌吓"嘅導入儀喎！佢好似用緊兩對筷子 咁，係度夾吓夾吓我嘅面部肌膚咁，個感覺好得意！但又好舒服！ 之後美容師再用Eurobeauté活效緊緻修護霜為面部按摩，其實我好鐘意做按臉，因為真係好舒服！有冇見到我隻眼，半睜，唔好意為我未瞓著，其實我已經舒服熟睡咗！ 然後再用Eurobeauté緊緻亮白眼部導入原液為眼部按摩，再為双眼敷上好似batman面具一樣的Eurobeauté亮白黑啫喱眼膜，冰冰涼涼咁，都幾舒服，仲好有即時消腫嘅感覺呢！ 同 一時間，再在下巴敷上Eurobeauté V-Lift極緻塑型提升面膜，可以有提升下巴緊緻度的效果，呢個mask同我平時在家用開的V臉mask好唔同，因為平時嗰d只係一塊mask，再要用 個嘢罩實個mask先有緊緻效果，有時旭嚟旭去，都會走走地位，勾住耳仔嗰個位，好多時會勾到唔唔舒服！但呢個又唔會喎，只要對準個下巴，佢好似一塊啫喱 咁，會痴實您個下巴，而勾住耳仔嗰個位，質地又幾柔軟，唔會勾到唔舒服的！一勾咗上去，下巴已經有扯住的感覺！好似緊緊地張我個下巴多餘嘅"dum兜肉" 收緊咁！同埋最鐘意佢可以包到落頸！ 而最後則敷上Eurobeauté皇牌O2深層注氧補濕面膜，其實O2面膜，我之前都有在家試過唔同牌子的，但嗰d好攪笑ga，會好快起泡，但又好快冇曬，但呢款又冇喎，敷成30分鐘，都唔會消失的！ 其實成個療程完咗後，我感覺肌膚真係飲飽水了！脹卜卜得嚟，下巴肌膚都收緊咗喎！因為睇吓Before & After都睇得出，之前塊面雖然都係尖尖哋，但兩邊下巴肉，比之前再細了，明顯地收緊了！其實小妹不嬲都覺得，自己雙眼係最弱的，但做完療程後，就連雙 眼都覺得比之前有所改善，上眼皮冇之前咁"dum"，收緊了，望落去雙眼比之前大了，黑眼圈都淡咗喎！到咗第二朝瞓醒後，起身，平時肌膚會有口渴的感覺， 但我仲好記得，嗰日做完療程後，肌膚第二朝瞓醒都仲未有口渴的感覺！厲害！ 做完療程後，素顔影相都冇有怕！因為唔覺有好大瑕疵，肌膚又好有水嫩剔透感！ 最後，仲送咗兩款mask，其中一款係頭先試過嘅Eurobeauté皇牌：O2深層注氧補濕面膜，而另一款就啱曬我先生啦！因為係去黑專用嘅：毛孔淨化2-in-1去黑頭套裝，比我攞返屋企慢慢試呢！真係開心！ 不過我呢排較忙，等我得閒試清楚後，再為大家介紹吓試後感！大家記住等我啊！ 靚女PR仲提我想試下Eurobeauté產品嘅朋友仔只需到佢地Facebook專頁按Like & Share就可以帶試用裝返屋企嫁啦^^ 全線Eurobeauté產品將於專門店及全線OASIS beauty發售： Eurobeauté 銷售點地址~~ 香港銅鑼灣皇室堡106號店 (Tel: 2506 0588) 沙田新城市廣場三期三樓 A393a 號舖 (Tel: 2694 1138) Website: http://www.eurobeaute.com.hk/ Facebook: https://www.facebook.com/eurobeautehk/ 以上產品及產品資訊，全部由品牌提供
