上星期係Majolica Majorca面書上見到有個與Watsons合辨嘅浪漫秋冬眼粧班，就同阿妹一齊報咗，點知大家一齊中咗，咁就昨天兩儍開開心心咁去學同玩嘅心情去啦！ 一去到，已放滿咗今日要注力試用嘅products啦！唔知效果點呢？等我一陣試清楚d先！ 好快，活動就開始，今日做model嘅係阿妹！ 其實原先係有6個人上課的，但有些人甩咗底，所以只有3個人上，仲好，一唔明，可以問多d，而BA小姐又會主動咁教多d嘢！ 今日由Zoie做導師，教我哋用咩產品同點用！ Zoie先教我們點係上下眼用嗰盒立體幻彩眼影盒 GY810 (hkd118.00) 搽好eye shodow就用炫彩魔法眼線液 V1777 同 廣角魅惑激長睫毛液 V1777 (組合售價：hkd188.00) 之後再搽埋胭脂同櫻桃之吻變色唇蜜 (88色) (hkd78.00) 話咁快，Zoie就幫阿妹化好咗半邊臉嘅眼同胭脂妝，並搽好過咀仔了！ 隻眼真係化得好靚！個紫色又化唔腫喎！又d會腫ga！ 睇完示範，就輪到我們自己動手啦！ 睇吓我以下示範，教吓大家點用呢盒立體幻眼影盒 GY810先！ 記住係順次序，1、2、3、4咁用的！ 1. 用手指取適量，塗於整個眼蓋上，作打底用！ 2. 再用棒，取適量於整個上眼窩上 3. 再用棒，取適量於整個上眼皮上 4. 再用棒，重手攞，並塗於整個上眼線位上 之後就再搽番炫彩魔法眼線液 V1777，其實佢係深色，望落去其實又點似黑，但佢又未去到黑咁實，我覺得其實有點帶深紫色同閃的！同埋都幾易用同handle！ 今日教識咗我一樣嘢，原來畫眼線時，畫到一岩一忽係唔緊要嘅，之後再搽番浸eye shadow上去，blend番開佢，就會唔覺，咁又係喎，我之前畫條眼線真係起曬角，之後再加番浸eye shadow上去，真係唔覺了！ 之後再用埋廣角魅惑激長睫毛液 V1777，佢呢支睫毛液又樣好，有大掃又有細掃，細掃方便搽下眼睫毛！ 其實佢呢set夜戀迷紫魅眼組合，都算防油防水比較厲害的那一類，因為我咁油眼，行咗4小時街，都冇變熊貓！我之前用過一些，未夠2小時，已開始變熊貓的！攪到勁尷尬同唔開心囉！ BA小姐幫我畫嗰條眼線真係好靚！我勁鐘意！同埋原來我都可以咁襯紫色妝容嘅，我之前真係堅驚會化到眼腫的！ 最後搽埋胭脂，呢個胭脂啱曬我，因為佢出咗嚟個色，唔會太跨，有時因為我唔太識搽胭脂，搽得唔好或者重手咗，都會成個馬騮pat pat咁！但呢隻絶對唔會的！ 之後用埋新出嘅蜜桃(77色) / 櫻桃(88色) 之吻變色唇蜜 (各hkd78.00)，成個妝容，就攪掂啦！ 要 特別介紹吓呢個蜜桃/櫻桃之吻變色唇蜜，佢係可以因應您嘅温度，而變色，我搽咗嘅係77比較橙嘅色，但出咗嚟，係冇咁橙嘅，反而帶了一點點自然粉紅，個色 超靚呢！而model就搽咗88，比較pink嗰隻色，但佢出咗嚟都唔係話勁pink嗰隻，好自然的！同埋配方中仲加入咗補濕膠原，能締造出飽滿同閃耀迷 人的美唇呢！ 一學識咗點用，真係好快就可以攪掂一個咁簡單同明亮嘅妝容，又可以精精神神咁去街街了！ 呢set嘢，真係好啱聖誕使用，浪漫得嚟，又帶點神秘！ 以上產品及產品資訊，全部由品牌提供
