面部搽防曬，是常識吧！ 其實成日覺得面仲有一個地方，都其實係好需要防曬的！係邊度，咪就係双眼囉！其實眼部肌膚，比面部還要薄，所以點會唔需要更多的保護，所以話，眼其實都好需要搽防曬的！ 我近排就試咗隻SKINCEUTICALS嘅透薄UV眼部防曬霜SPF 50 (hkd290.00 / 10ml) 睇吓佢同面部防曬有咩唔同先！ 產 品簡介：100%礦物防曬成份，全面為眼周提供保護及調色功效。SPF 50 廣譜防曬，專為細薄敏感的眼部肌膚提供保護及修飾功效，不易溶化、不易刺激眼睛。柔和的調色粒子塑造均勻自然肌色，加上補濕因子Ceramides，能修 飾眼周肌膚幼滑如畫布，讓後續上妝效果更貼服亮麗。 吱咗d出嚟，係有少少粉底色喎！ 再試上眼先！輕輕點2點黃豆份量的！已足夠！ 唔好意思啊！黑眼圈勁黑同比較殘，因為上星期病足成星期，成個星期都係屋企休養，冇返過工！嚇親大家唔好介意！ 講番隻SKINCEUTICALS嘅透薄UV眼部防曬霜SPF 50先！又幾易推開喎！輕輕按幾吓，已吸收曬！質地真係唔笠喎！勁清爽喎！用完雖然都遮不到我強勁嘅黑眼圈(但人哋都唔係話強力遮瑕！)，但比未用前，其實都遮咗少少，黑眼圈雖黑，但比未用前都好了一點點！ 之後再加番粉底液，都完全沒有問題啊！好自然！而加番粉底液，黑眼圈都遮蓋了一半了！如果再講究d，仲可以加埋遮瑕，就咩黑眼圈都冇曬啦！ 想知更多有關SkinCeutical嘅資料，可以去： www.skinceuticals.com.hk睇吓！ 以上產品及產品資訊，全部由品牌提供
