天氣開始覺得有點涼，除了皮膚覺得乾外，原來頭髮都同樣會乾的，因為沖涼洗頭嘅水，開始較為熱，所以頭髮都同樣會覺得乾！ 所以除咗用一些較為保濕嘅洗頭護髮用品外，可以試吓用髮尾油，去改善髮尾至髮根，亦可作頭皮保養等。 今次可以試到大島椿山茶花修護美髮油 (hkd78.00 / 40ml 或 hkd108.00 / 60ml ~ 在Log On、City Super、屈臣氏及千色店有售)，睇吓佢可唔可以打救到我乾桿嘅頭髮先！ 產品簡介及成份：以天然山茶花種子提煉而成的100%純天然山茶花油，有效滋養頭髮，令秀髮柔順健康。 5大護髮功效： 1. 防止水份流失，秀髮持久水潤貼服; 2. 阻擋UVB，保護頭髮免受紫外線傷害; 3. 抑制靜電，預防毛燥; 4. 保護秀髮免受風筒熱力傷害; 5. 修補頭髮，抑制損傷。 唔多覺有香味，油份豐盈！ 使用方法： 1. 平時洗完頭，可倒1至2滴美髮油在掌心並推開，均勻地塗抺髮於項上，用風筒吹乾頭髮即可。 2. 作造型產品用，倒1至2滴美髮油在掌心並推開，均勻地塗抺髮於項上，之後輕輕地在頭髮上塗上薄薄一層，用梳子整理頭髮。 3. 作焗油用，用於乾髮上，倒大約半支油(將頭髮弄之濕為止)，再用浴帽或熱毛巾，等待10-20分鐘，再用洗頭水清洗兩次。 4. 如果發現冬天頭皮好痕癢，可作頭皮護理，於洗髮前，於乾燥的頭皮上塗上大量美髮油，用手指輕輕按摩，之後再用洗頭水清洗兩次。 第一個感覺，就覺得用完頭髮真係明顯有光澤咗好多喎！個感覺冇咁粗鞋，又番曬生氣！仲好柔順易梳，之後想做咩嘢造型，都唔駛怕會傷頭髮！我亦試吓按摩頭皮，效果唔錯喎，洗完好熱嘅水，都唔覺得有因為乾燥而令頭皮痕癢嘅感覺！超讚喎！ 以上產品及產品資訊，全部由品牌提供
