呢排真係涼咗喎！大家可以著上秋裝之餘，臉上亦開始化起秋冬妝容，對我嚟講，化唔化秋冬妝容，都冇咩所謂，最緊要可以係化少少底妝，因為之前天氣太熱，我又屬勁爆汗嗰隻，所以如冇必要，我都盡量零妝容，但呢排天氣好少少，就可以又靚靚出動了！ 呢排就有機會可以試吓呢隻氣墊粉底液，睇吓佢掂唔掂先！ Skin Ceramic 沙棘果美白緊緻氣墊粉底液 SPF50+ PA+++ ~ HKD298.00 / 15g + 1補充裝 (香港莎莎有售) 大家知唔知咩係沙棘果呢？其實我都唔知，不過上網查過話沙棘果含有豐富嘅維生素，前蘇聯更將沙棘果加入國家藥典，為太空人、航海及航空人員嘅營養食品呢！ 而用係呢隻粉底液內，就加入了沙棘果萃取物，可美白及供給皮膚營養呢！成份中還有二氧化鈦和氧化鋅，可折射紫外線。另有米糠萃取物、薰衣草萃取物，可滋養及舒緩鎮靜肌膚作用！ 一開就已經覺得佢好抵，咁嘅價錢，原來係2個！ 一開係分開兩層的，頭一層放粉卜，下一層先係氣墊粉霜 使用方法：早上在洗臉、爽膚、搽保養品後使用，先用粉卜輕輕按在海棉上，取適量氣墊粉底液，就可以在臉上輕輕印開至均勻即可。 我先試咗上手先，慢慢印開，個質地唔錯喎！幾幼滑吓！隻手用完嘅膚色真係白淨咗喎！ 先睇咗我左邊面係未用，而右邊面則用咗Skin Ceramic沙棘果美白緊緻氣墊粉底液 SPF50+ PA+++嘅分別先！其實都唔駛多講，睇相已見到好有分別！臉色均勻咗幾多！白白淨淨咁！ 呢排天氣開始乾乾地，所以用番d保濕效果較重嘅粉底霜都幾重要，如果唔係好易會有小紋出現，但呢隻氣墊底霜嘅遮紋度真係唔錯，因為我臉上嘅虎紋，平時化完底妝，一笑，就好易會有d類似裂痕咁係度，但用咗Skin Ceramic沙棘果美白緊緻氣墊粉底液 SPF50+ PA+++後，又唔覺喎，虎紋好似被填平了！而遮瑕度，亦不錯喎！我臉上嘅瑕疪，已大部份遮蓋了！遮瑕之餘，仲鐘意佢一d都唔厚，好透薄，同埋最鐘意化妝得嚟之餘，可以美白同比滋養我嘅肌膚呢！令我靚上加靚呢！超讚啊！ 以上產品及產品資訊，全部由品牌提供！
