DIY護膚品，我不嬲都好鐘意！如果仲可以自己一手一腳整埋，就更正啦！ 上星期五好開心可以得到彩豐行嘅邀請，可以出席到佢地竹舉辨嘅《自家製天然保濕Mask工房》，今次舉行嘅地方就係彩豐行係上個月新開嘅旺角柏裕中心旗艦店啦，嗰度真係好大！呢度只係冰出一角！ 原來旗艦店內，仲加設咗有機天然健康小食同飲品，我試咗其中一款杧果茶，裡面真係有杧果肉嘅，食咗粒，好正喎！ 而好快mask工房就開始啦！今日導師為彩豐行嘅Alyssa小姐！ Alyssa先同我哋介紹吓今日整呢個mask嘅用料先！ 唔講唔知，Alyssa話原來粉狀嘅mask敷上臉係最好嘅！而gel狀就係其次！但一定要厚敷！太薄係冇咩效果嘅！所以大家記住啦！如果要敷gel mask，千析唔好慳，一定要厚敷先有效的！ 而今日呢個mask，係可以美白、保濕，由於仲加入紅景天亮白精華，會加速血液循環，所以個mask用完後，肌膚除咗亮白外，臉色仲會好紅潤！令人紅粉痱痱咁！ 然後開始diy我哋嘅mask啦！ 首先是落以下2種材料： 80g天然高水份保濕凝膜 + 3泵多元醇保濕劑 Alyssa建議我們，在攪勻材料時，要慢慢攪勻，因為空氣中會有細菌，所以建議做diy護膚品時，不要大力攪拌，以防細菌入內，影嚮其質量！ 再加10g透明質酸溶液﹐再慢慢攪勻 再加以下材料，混合： 1泵維他命原B5保濕精華 + 5g紅景天亮白美肌精華 + 2g酸鹼度平衡劑 加曬呢3樣材料後，未攪勻前，原本都仲係水狀嘅，點知攪攪吓，就已經變咗杰杰嘅gel狀了！就已經完成了！ 整完出嚟，個質感有少少似aloe gel feel，但由於冇下任何香料，而嗰d原料，亦沒有任何香味，所以呢個gel mask都係冇任何香味嘅！個感覺真係好似幾濕吓喎！ 咁咪好囉！夠natural!!! 估唔到有壓軸環節，就係即場購物，有85折優惠！ 我比較對彩豐行嘅浸浴、磨砂有興趣！支清潔mask唔買，簡直對唔住自己，咁大支，都只係50多元！ 而今日mask工房後，彩豐行亦送出咗一包小禮物給我們！多謝曬呢！不得不讚支沐浴露，呢隻味係彩豐行新推出嘅，勁香！聞完好醒神！呢個size夏天下水禮必備啦！ 而我當晚亦急不及待試用個mask呢！由於呢d diy mask要放入雪櫃，同保存期只係一星期左右，所以我都絶不孤寒勁厚敷，同好涼快！ 我呢排晚晚都有用，用完真係明顯覺得臉色白咗，同有自然嘅紅潤感！仲好補濕呢！個感覺好舒服！好適合呢d天氣用！令日好透心涼！ 以上產品及產品資訊，全部由品牌提供
