好開心上星期可得到CLINIQUE嘅靚女PR邀請，可以出席到係圓方店嘅秋冬美妝魔法blogger聚會！ 入到去，已set好今天要重點介紹嘅最新品啦，大家想唔想知道係咩呢？就由我以下續一為大家介紹一下啦！ 第一樣嘢，當然係要介紹一下CLINIQUE全新推出嘅"智能修護活肌眼霜"，原來佢係一支好聰明嘅眼霜，只要一搽上眼部肌膚，就會自動追踪到您眼部肌膚有咩問題，自動作出修正！絶對稱得上係一支萬能嘅眼霜！ 試咗d上手，按到吸收曬後，又唔覺得笠喎！d紋又真係好似淺咗喎！ 講完eye care，要入正題啦，今日最主要係介紹秋冬美妝物，第一件事，當然少不了粉底液啦！ CLINIQUE推出咗呢款全新嘅"Beyond Perfecting Foundation + Concealer 完美極緻遮瑕粉底 SPF 19 PA++" (hkd270.00 / 30ml，共5色) 呢支粉底液係集合咗 粉底液同遮瑕膏於一身嘅，可用作高度遮瑕，亦獨有先進科技提供即時控油功效，令油光瞬間消失，同時持續滋養補濕，令底粧不會因肌膚缺水而出現不均勻、浮粉 或顯現乾紋。觸感輕盈透氣，底粧透薄貼服卻同時具有高度遮瑕覆蓋力，12小時持久抗汗水抗油脂不脫粧，能真正體驗何謂無重無瑕粧感。 咗試咗d上手，好易推開，推開咗好薄身吓喎！仲要唔笠嘅喎！唔錯，我覺得唔駛等到秋冬用，係呢d天氣用仲啱！因為呢d咁熱嘅天氣至愛唔笠！ 化完底妝，當然少不了要化番個靚靚嘅眼妝啦！CLINIQUE推出咗2款全新嘅眼線筆，有筆芯型或者liquid型嘅，總有一款啱各用家使用！ skinny jean各位女仕一定著唔少，而skinny sticks大家又有冇聽過呢？ CLINIQUE推出呢款全新"Skinny Sticks極緻纖幼眼線筆" (hkd155.00 / 0.08g，共11色) 佢嘅纖幼程度，真係比一般嘅眼線筆幼好多喎！仲好出色吓，我只係輕輕力咁係手上畫咗一吓，都已經好出色！其中本人好愛好黃、綠、白呢幾隻色！全部都好靚喎！ 而用開liquid眼線筆嘅絲打們，唔駛擔心，CLINIQUE會照顧好多美美們嘅需要嘅，亦都推出咗呢支全新嘅"Pretty Easy Liquid Eyelining Pen 持久輕巧眼線液" (hkd180.00 / 2ml，共2色) 好易上色喎，筆頭極幼細，可以畫幼又得，畫粗亦得喎！ 有一個靚靚眼妝，就當然少不了一條醒神嘅眉，我發現有畫眉同冇畫眉，個精神度係相差好遠嘅！所以美美們，唔好忘記眉對一個靚樣嚟講，同樣重要！ 而今次介紹眉型產品呢﹐並非眉筆，而係呢款"Just Browsing Brush-On Styling Mousse完美塑眉霜" (hkd130.00 / 2ml，共4色) 個刷頭有d似mascara嘅頭，揀眉霜記住要襯番自己嘅髮色啊，如果髮色好淺的話，就要用淺，如果好似我咁啡黑色的話，就要用最深色啦！又幾易用喎，只要畫好眉，用個刷頭係條眉度掃幾吓，條眉就會出色同順好多了！好睇過只畫眉的！ 化好曬面部最注要嘅地方，記住唔好唔記得個櫻桃小咀啊，呢款"Pop Lip Colour + Primer 耀彩柔潤唇膏" (hkd170.00 / 3.9g，共15色) 我之前已試過，而呢幾隻色，就更啱秋冬天使用！用嚟襯番d深色衫，會更加mix & match的！好易上色，仲好滋潤呢！秋冬天就唔駛再搽完潤唇膏先再搽有色唇膏啦！一支過攪掂曬！方便易用！ 原來介紹完產品，CLINIQUE嘅makeup artist Andy仲教我地，點樣用Beyond Perfecting Foundation + Concealer 完美極緻遮瑕粉底 SPF 19 PA++，可以係90秒化好過底妝呢！ Andy話，秋冬，一定要先搽好眼霜同skin care先再做底妝，咁樣就唔會咁易有乾紋出現！ 之後就再用Beyond Perfecting Foundation + Concealer 完美極緻遮瑕粉底 SPF 19 PA++，係面上輕輕點幾點，唔駛多，一邊面只要5至6點就夠(分別在額頭2點、臉脥2點同下巴1至2點)，之後就可以用手或海綿去blend開d粉底 液，均勻曬後即可！ 而有d嚴重瑕疪位，如黑眼圈、暗瘡印或者雀斑地方，可之後先再輕輕點一點，再blend番開佢，就一應遮蓋！真係只需90秒，可以化到一個透薄無瑕嘅底妝喎！ 之後就教大家點用埋Skinny Sticks極緻纖幼眼線筆同Just Browsing Brush-On Styling Mousse完美塑眉霜，成個基本妝容已攪掂，可以出街了！眼線筆嗰隻黃色真係好出，好靚啊！ 教 學完後，我亦即場試用咗Beyond Perfecting Foundation + Concealer 完美極緻遮瑕粉底 SPF 19 PA++、Just Browsing Brush-On Styling Mousse完美塑眉霜同Pop Lip Colour + Primer 耀彩柔潤唇膏上面呢！我覺得d色好自然喎！啱曬我，唔跨但又想靚！同去聚會前個樣差好遠，肌膚即刻精神番曬咁！ 每次去CLINIQUE嘅event真係好好ga，因為CLINIQUE都會為絲打們預備一份trial攞走，比大家回家慢慢試到夠！ 今次可以慢慢取回家試嘅有，event中介紹嘅3款新出彩妝產品啦！ 包括：Beyond Perfecting Foundation + Concealer 完美極緻遮瑕粉底 SPF 19 PA++、Pretty Easy Liquid Eyelining Pen 持久輕巧眼線液及Just Browsing Brush-On Styling Mousse完美塑眉霜 我在家再試呢三樣產品比大家睇睇！ 我照用番Andy教我們嘅方法上Beyond Perfecting Foundation + Concealer 完美極緻遮瑕粉底 SPF 19 PA++，先再臉上點幾點先！然後我就再用手blend開，最後在瑕疪集中點，因為我黑眼圈較嚴重，所以在黑眼圈位置多加一點，再blend開佢，一邊臉就攪掂，係咪after嗰邊面色均勻有光澤同冇曬瑕疪呢！仲要勁透薄！ 再睇埋全臉嘅before & after，會更明顯見到上粉底液前後嘅分別！ 90秒唔駛，已有一個無瑕嘅妝容，真係又快又方便好用！如果新手使用都絶對冇難度！ 化好底妝，再試埋支Pretty Easy Liquid Eyelining Pen 持久輕巧眼線液，真係勁易用同易畫到一條幼又得，粗又得嘅眼線，因為佢筆頭真係好幼！好容易掌握到！雖然大家見我合埋眼條眼線好似好唔齊咁，但開咗眼又ok喎！哈哈… 畫完嗰隻眼仔，明顯烔烔有神好多呢！ 畫咗眼線，千析唔好忘記眉，因為眉對於一個妝容，真係非常咁重要！ 再用埋Just Browsing Brush-On Styling Mousse完美塑眉霜先！但用前，一定要先用眉筆畫咗眉型先！然後先再用眉霜，個色會更出的的！條眉由原本用眉筆畫完嘅比較深色，變咗啡金色咁！個色都幾出喎！ 3個部驟做好後，就可以好簡單咁出街，有時唔駛嘢嘢都要化一個好大嘅妝容先出街嘅，簡簡單單咁化個底妝，再畫一條眼線，再畫條眉就出到街了，比人嘅感覺又唔會好厚重感，但又不失精神感！ 以上產品及產品資訊，全部由品牌提供
