唔知大家有冇聽過彊屍面膜呢樣嘢呢？ 我上年有時，已經好想試了，因為聽有d人用過，話好得，但上年11月我同我妹去泡菜國時，行咗好多妝品店，都唔太發覺有呢款東西，所以一直冇機會試，直至而家出到第二代，終於有機會試到啦！都有d期待，因為唔知係點？ 其實懷疑咗好耐，點解要叫彊屍面膜呢？用完之後，好似d吸血彊屍咁靚同皮膚咁好？ 好，就等我馬上試吓，令自己釋疑先！ 今次試的是 ~~ 韓國SKIN1004第二代彊屍面膜 - hkd176.00 / 16包 (莎莎有售) 內有各獨立包裝的16盒粉劑及16包激活劑，仲有個掃，好方便衛生喎！ 但唔講唔知，原來第一代嘅激活劑，係一支裝的，每次就吱咁上下份量去調教，冇第二代咁方便喎咁！ 產品簡介：有助袪除肌膚死皮細胞，撫平皺紋，促住水油平衡，收細毛孔，用後膚色更均勻。只需15分鐘，肌膚變得清透亮澤、柔嫩細緻，感覺煥然一新！ 主要成份及功效： 1. 粉劑 - Albumin 白蛋白 ~ 即時緊緻，令肌膚回復柔軟彈性 - 西伯利亞松樹提取物 ~ 清涼、鎮靜 2. 激活劑 - 山金車花萃取物 ~ 抗炎、收歛 - 紫錐菊提取物 ~ 抗氧化、促進傷口癒合 - 煙醯胺 ~ 抗炎、美白 使用方法：於20秒內將粉劑與激活劑混合，用面膜掃將混合物均勻地塗於面部(避開眼、唇及髮邊位置)，靜待10-15分鐘，然後以清水洗淨。 貼心提示：建議3天使用一次，如使用時感覺太繃緊，可噴保濕噴霧以作舒緩。 其 實陣味都幾怪怪哋，但好似話相比起第一代，第二代嘅氣味已算唔難聞了。而待乾嘅時候，真係幾繃緊吓！而我亦建議在沖涼前使用，可以在沖涼時，一併清潔，因 為乾咗之後，都唔係話太易洗得乾淨，所以沖涼時用花灑一沖，再捽幾吓就清潔乾淨曬！唔駛整到髮邊都濕曬！個龜裂感覺，都幾肉酸，哈哈，好似乾屍咁！ 未用之前，皮膚狀況都唔自話太差，但用完後，明顯覺得膚色更加平均，毛孔亦都firm咗喎！成塊面嘅感覺好緊緻，皮膚仲好滑呢！臉上肌膚仲唔會過油，但不至於話會缺水，真係達至水油平衡嘅效果。個感覺好舒服舒適！亦解決了不少氾紅情況呢！ 提提大家，如果激活劑用唔曬，可以當爽膚水用的！真係一物二用！超讚呢！ 以上產品及產品資訊，全部由品牌提供
