上星期六好開心同好庆幸可以得到It'S SKIN的邀請，出席佢哋係金鐘廊舉辨的cocktail制作活動，一入到會塲，工作人員已經預備咗好多印有It'S SKIN的自家制曲奇同一些小糖菓，好靚喎！ 仲放滿咗It'S SKIN嘅皇牌產品，包括13款能量10系列的精華素同10款2部曲Power 10的雙效精華面膜呢！ 過咗一陣，好快就進入cocktail制作活動啦！ 今天由著名調酒師 - Ken Lam為我們作示範及講解，唔講唔知，原來Ken sir除咗調酒了得之外，亦係著名花式調酒師！佢亦都同好多名星同電視台合作過的！ 佢份人講嘢仲好好笑，相當風趣憂默，當日佢講解時，真係笑聲不絶！個個笑到唔停口！ 首先介紹吓今日要調cocktail的主要用具先啦：有玻璃量酒器同普通(英式)搖酒器 考考大家，制作一d cocktail或者有酒精cocktail時，知唔知點解要用搖酒器啊？除了可搖勻壺中的材料外，另一個功能係可以使飲品迅速地冷卻 而 玻璃量酒器我哋今日只會用較短的那一邊，因為今天我們制作的只是小size嘅cocktail，一邊係cc，另一邊係ml，Ken sir仲教咗我哋點樣攞個量酒器先至係最正宗嘅攞法！用食指同中指兩隻手指挾住個量酒器，相反方向咁倒，最下嗰張相個攞嘅方法係啱，但倒嘅方向錯咗，應該 反手咁倒先為至最標準！ 而個搖酒器係金屬材料，分三層嘅，最底嗰格用嚟放飲品，Ken sir仲話，一定要確保蓋好中間同最頂的2個蓋，先好搖，如果唔係倒到一身都係就大鑊啦！ 攞搖酒器的方法，其實都有點難，因我隻手唔多夠大，而另一隻手則托住個底 講好用具之後，就講吓今日有咩材料整cocktail啦！ 今天制作呢個cocktail材料有 ~~ - 15cc糖漿，而今天我抽到的糖漿係薑味，聞落去都ok嘅，幾香，不要多過15cc，如果唔係會太甜 - 45ml菠蘿汁 - 冰塊適量 - 而梳打水呢，就最後shake勻曬，倒咗出杯後如太甜先落嘅！ 放好曬材料，就開始shake啦，嘩！原來愈shake會愈凍的！凍到我隻手薑曬，大約shake 20秒左右，就大功告成啦！Ken sir話有泡係好嘢嚟嘅，夠均勻咁解喎！ 之後再整埋杯側裝飾，有橙皮同一d小小的星花，就可以倒杯cocktail出嚟啦！ 我嘅完成品，十分之簡單，味道仲唔錯呢，薑味只係有少少香味，唔係辣味嗰d！ 一邊嘆自制cocktail﹐一邊再聽吓It'S SKIN的工作人員，再介紹一下佢嘅品牌由來同理念，再試吓It'S SKIN嘅產品先！ 唔駛多講，大家都知It'S SKIN牌子係來自韓國的！ 而唔講唔知，原來以下呢13款皇牌能量10系列的精華素，可以一次過搽至多4隻係臉上，即係如果您想肌膚有保濕 + 美白 + 緊緻 + 控油的效果係可以的，咁就可以分開如先用GF高效保濕精華素，1分鐘後再搽PO控油緊緻精華素，再等1分鐘之後再搽WH美白淡斑精華素，再待1分鐘最後搽WR抗皺緊緻精華素，續隻搽在臉上即可，之後再搽番臉霜即可！ 而呢3款能量10系列的精華素當然係我至愛！因為係愛美白人仕之選：有左起的WH美白淡斑精華、中間的VC亮白收毛孔精華和最右的LI淡斑去印精華 我仲攞咗2隻有微粒子嘅GF高效保濕精華同Q10提拉緊緻精華出嚟試吓呢！好得意，2個都有粒子的，2款d粒子同樣都係按吓按吓，會爆開，因而吸收曬入皮膚度的！質感都係唔算太黏笠的！ 而家真係好興呢d先塗2 step類型嘅面膜，我仲即塲開咗塊2部曲Power 10嘅雙效精華面膜嚟試試佢嘅質感，面膜嘅質感簡直一流，因為BA話2部曲Power 10嘅面膜紙係用棉做的，所以超軟熟、夠韌，仲要點大力扯都唔會扯得斷，勁！ event完咗後，大會仲送咗一大袋It'S SKIN的10款皇片2部曲Power 10雙效精華面膜及能量10的LI淡斑袪印精華同三個gel mask比我哋返屋企慢慢試用呢！ 先試吓個能量10系列 - LI淡斑袪印精華先！ 質感幾水喎，一吱出嚟勁易推開，推開後唔會覺得黏笠！質感唔錯！ 然後再試一下It'S SKIN能量系列 - WH美白淡斑精華面膜 先開咗個1 step.的精華，先再臉上按摩至吸收 吸收曬後，再用上2 step.嘅mask敷上臉，係呢個時間，可以用導入機做一下導入約5分鐘，之後就靜靜咁再敷10-15分鐘後再撕走面膜，按摩一下臉上餘下嘅精華，再搽番正常嘅臉霜即可！非常簡單易用！ 面膜嘅質感已係event度講過，估唔到用咗上面更覺質感簡直一流，可能因為用棉做的原因，所以超軟熟、夠韌，點大力扯都唔會扯得斷，敷咗上臉後，更覺size非常ok，夠曬貼面！ 用完It'S SKIN能量系列 - WH美白淡斑精華面膜後，話有冇即時淡化到有幾多雀斑嗰d呢，就真係未知，因為始終得一片，好難話睇到d咩效果，但膚色真係較之前均勻咗同剔透咗外，但呢塊面膜，我最估佢唔到嘅係都有少少保濕效果喎，我未用前真係feel到皮膚繃緊到爆，但用上後，有光澤咗幾多，繃緊情況仲即時舒緩咗不少呢！ 如果大家都想試吓It'S SKIN 能 量10系列的精華素同2部曲Power 10的雙效精華面膜的話，可以去It'S SKIN嘅專門店、專櫃度睇睇，如欲知道更多It'S SKIN嘅資料，可以去佢地facebook再深究下：https://www.facebook.com/itsskinhk?fref=ts 以上產品及產品資訊，全部由品牌提供
