以前真係好怕化妝，因為一來唔識，二來覺得冇咩需要，但隨住睇得多，學得多，發現有化妝同冇化妝，真係有好大差別時，就會去研究，而隨住搭入春末，夏至，妝容都應該要colorful d，咁先至可以迎盒番春夏的！ 近期就有機會試到SHISEIDO MAQuillAGE的一眾最新春夏系列嘅彩妝，包括：True Eyeshadow BL250、Essence Glamorous Rouge Neo唇膏及Dramatic Melting Rouge唇膏啦！ 其中購買限量版嘅True Eyeshadow BL250眼影，仲可以以hkd0.50換購呢個靚靚嘅化妝袋呢！ 先由眼妝開始介紹，先開咗盒全新SHISEIDO MAQuillAGE True Eyeshadow BL250眼影先，原來呢個色係全新春夏限量粉色系列嚟ga！ d色真係好靚喎！仲可以由眼底至上眼蓋，塑造成個立體眼妝呢，照顧得好全面！有曬教學用邊支掃，同咩色用係咩位！就算好似我呢d唔係太精化妝嘅人，都識用！ 1. 等我試上眼先，做眼底妝先啦，用呢個nude色部份的，用係眼底位置，我諗呢個色係應該有遮蓋眼底瑕疪效果，掃上後，真係覺得黑眼圈冇咁明顯喎！ 2. 然後再用上最深色部份作上眼線同下眼尾嘅眼線啦！個色好出，輕輕一掃，已有好明顯的灰黑色 3. 勾畫完眼線部份，再係上眼皮位置，再掃上金色眼影 4. 然後再掃上淺藍色部份在眼窩位置，個藍色掃咗上眼，唔錯喎！幾閃亮，同都幾明顯 5. 最後就用埋粉紅色係眉下同下眼頭，可以再特出d個眼妝的，呢隻色用咗係下眼頭，好有水汪汪眼睛嘅感覺喎！ 化好咗一邊比大家睇先，好明顯有化嗰隻，同冇化都好大分別了，隻眼圖咗同大咗，同d色真係幾出喎！ 再試埋隻Essence Glamorous Rouge Neo OR451唇膏先，一睇個packaging隻色就覺得好靚啦喎！唔知裡面係點嘅呢？ 開咗仲靚喎，我好鐘意d偏橙色嘅唇膏，同埋我覺得佢有少少偏係唇彩咁，在手輕輕塗上試吓色，勁易推開！真係超好水潤喎！ 再試埋上咀仔先！我塗咗個下唇比大家睇先，有搽同冇搽都有好大分別喎！下唇當堂水嫩曬！好有晶瑩剔透感覺，唇紋都減少咗呢！最鐘意佢仲有輕輕嘅甜味，好sweet！ 然後再試埋全新Dramatic Melting Rouge RD454 Red Bloom唇膏，呢隻真係唇膏啦！因為比較實在d咁感覺！ 搽咗d上手先！個色都唔錯喎！咁大紅色嘅唇膏其實我好少試，因為怕幾lady，我平時比較多用嘅唇色係偏橙同粉紅嘅，因為感覺上後生d 在試埋上咀仔先，比我想像中易出色喎，輕輕塗咗一層，已經出到色，最估唔到出咗嚟個色都唔錯喎，冇血盤大口嘅感覺，都幾sweet喎！今次用完RD454呢隻紅色，令我對紅色唇膏有所改觀呢！ 而最後我用了SHISEIDO MAQuillAGE True Eyeshadow BL250同Dramatic Melting Rouge RD454 Red Bloom唇膏為大家作全個彩妝示範，眼妝及唇色靚嗎？ 我覺得唔錯喎，化咗眼妝同唇妝之後，即刻成個精靈曬！全部夾埋好有春夏色彩，簡簡單單一盒eyeshadow同一支唇膏，已可以出街！創造完美妝容！最估唔到紅色唇膏都可以咁sweet同自然！唔講唔知喎，原來SHISEIDO MAQuillAGE的唇膏仲有加添玫瑰精油，令唇色靚靚之餘，仲有滋潤同修護作用嘅，真係一物多用呢！ 以上產品及產品資訊，全部由品牌提供
