上兩星期去完CLINIQUE嘅workshop，佢地送咗Pop Lip Colour + Primer耀彩柔潤唇膏同Cheek Pop花之戀光感胭脂比我哋返屋企慢慢試用！ 而Pop Lip Colour + Primer耀彩柔潤唇膏方面，我揀咗05 MELON POP同09 SWEET POP，其實呢兩隻色，我都好鐘意！ 而Pop Lip Colour + Primer耀彩柔潤唇膏仲有其他13種色，以深淺不同的紅色調、橙色調、紫色調及裸色調拼湊出時尚色盤。每款色調單獨使用或混搭使用Mix & Match都能塑造出整天持久不變的立體唇妝，可配合不同的風格和服裝場合的！ 首先試吓09色MELON POP先，呢隻色係偏橙的，輕輕在手上一劃，已有明顯色調。 再試上咀，輕輕一畫，好易已經有色，我先搽咗下唇比大家睇先，有搽同冇搽，已有好大分別！ 其實我都算係低調嘅，所以我通常搽1次，有d色就收手了，如果大家想個色再出d，可以補多幾吓，個色會仲出d，sharp d！ 第二日再試埋09 SWEET POP，呢隻色係偏粉紅的，同MELON POP一樣輕輕在手上一劃，已有明顯色調。 今次我搽得重手d比大家睇，今次係搽咗2次，所以個色會仲出d，sharp曬，高調曬！！但又唔係話勁濃妝嗰d喎，只係個咀仔sharp少少啫！ 搽好唇膏，之後再試埋Cheek Pop花之戀光感胭脂先！其實我比較鐘意d偏橙色嘅唇膏啊，胭脂啊，因為我唔係白嗎，所以搽少少偏橙色嘅化妝品，會顯得我膚色健康d！而08 MELON POP呢隻色嘅胭脂，就最啱我啦！ 其實呢款胭脂，除咗我呢隻色，仲有其他3隻色的，總有一隻可以襯到唔同場合！我覺得咁襯幾好喎！ PINK POP，可以襯d可愛d嘅造型！同白嘅女仕至啱，個色會好出，好可愛！ ROSY POP可以平時返工look唔錯，幾得體！ 而PANSY POP就可以襯d晚妝或者型d嘅造型！ 試上臉先，用胭脂掃輕輕掃幾吓，再係顴骨位向耳後掃幾吓！就ok啦！ 完成啦，我嘅春夏妝，個Cheek Pop花之戀光感胭脂幾靚喎，同埋以我咁嘅化妝技術嚟講，算係唔錯gala，哈哈！ 我都話gala，偏橙色嘅化妝品，真係勁襯我，出嚟個色好自然，同好健康！ 咁 我以上嘅春夏妝容，除咗用最新嘅Pop Lip Colour + Primer耀彩柔潤唇膏同Cheek Pop花之戀光感胭脂外，我仲附加咗其他產品，先有更完美的妝容啦！其實都幾方便，輕輕幾樣嘢，就可以靚靚咁出街了！所以話呢，世上冇醜女人，只有懶女 人，女人要靚，係要花少少功夫的！ 以上產品及產品資訊，全部由品牌提供
