有睇開流行或者娛樂資訊的,都知呢排好流行動物面膜,好多artist都有用,我一直都幾想試,因為都覺得幾得意! 終於都有機會可以試吓啦! 今次試到的是來自韓國的品牌:SNP全新動物面膜中的海獺保濕水漾面膜同熊貓美白亮肌面膜! 呢排天氣雖濕濕地,但我臉上同我荷包一樣,會間歇性乾歇!所以都係先試上 ~~ SNP全新動物面膜 - 海獺保濕水漾面膜 hkd24.00 / pc (莎莎有售) 產品簡介:有效為肌膚瞬間注入大量水份,使肌膚達至水油平衡狀態,時刻保持柔軟滑嫩。適合任何膚質使用 主要成份及其功效: - 椰子水:保濕、紓緩、增強肌膚免疫力 - 粟子皮萃取:收細毛孔 - 玻尿酸:保濕、柔軟肌膚 使用方法:潔面及爽膚後,直接敷在臉上即可,待20分鐘後取去,再將面上精華按摩至吸收,不用洗去,最後塗上面霜即可 一開,真係堅多精華係塊mask度,一攞塊mask,d精華直程一滴滴咁滴出嚟,敷咗上臉後,我覺得唔多似水獺,似叮噹多d喎!個mask都好貼我塊面,貼面度唔錯!攞完塊mask都仲有超多精華係個袋度,唔好浪費,我用嚟敷埋頸同按埋手,務求更多部位可以靚靚! 使用前,肌膚都幾乾,尤其係鼻翼至咀角的位置,但使用海獺保濕水漾面膜後,都已經見即時保濕,全臉都充滿光澤,水潤感大大提升了! 話一白遮三醜係冇講錯的!除咗敷保濕mask外,做女的,都要敷多d美白mask﹐所以今次試埋 ~~ SNP全新動物面膜 - 熊貓美白亮肌面膜 hkd24.00 / pc (莎莎有售) 產品簡介:有效提亮、均勻膚色,更可改善色斑及肌膚暗啞等問題,讓肌膚變得白淨通透。適合中性至乾性肌膚使用 主要成份及其功效: - 椰子水:保濕、紓緩、增強肌膚免疫力 - 楮樹根:美白、預防暗瘡形成 - 煙醯胺:美白、抗敏 使用方法:潔面及爽膚後,直接敷在臉上即可,待20分鐘後取去,再將面上精華按摩至吸收,不用洗去,最後塗上面霜即可 一開,同海獺保濕水漾面膜一樣,一攞塊mask,d精華直程一滴滴咁滴出嚟,敷咗上臉後,勁似人哋玩變臉嗰d粵劇人囉!個mask好貼我塊面,貼面度唔錯!攞完塊mask都仲有超多精華係個袋度,都係唔好浪費,用嚟敷埋頸同按埋手,務求更多部位可以白白淨淨! 使用前,肌膚都幾乾,尤其係鼻翼至咀角的位置,條虎紋乾都走曬出嚟咁滯啦!但使用熊貓美白亮肌面膜後,都已經見即時白淨咗好多!全臉都充滿光澤,水潤同剔透感大大提升了!按乾曬d精華後,臉上仲唔覺得笠呢! SNP全新動物面膜,除咗我以上介紹的兩款外,仲有另外兩款同唔同功效的mask,供大家選購的!有興趣去莎莎度睇吓啦! 以上產品及產品資訊,全部由品牌提供