雪葩大家可能食得多,但用係身同臉上,又試過未? 我之前就未試過,但近期就試到上身同臉了! 究竟係咩嘢家伙呢?就係THE BODY SHOP推出的雪葩系列中的蜜柑身體雪葩補濕凝霜及維他命E雪葩補濕面霜啦! 其實我不嬲幾鐘意THE BODY SHOP的東西,因為佢唔會用動物做測試同埋佢地係會用公平社群易貿下的產品來做自己的產品的! 先試上THE BODY SHOP蜜柑身體雪葩補濕凝霜 ~ HKD139.00 / 200ML (全線THE BODY SHOP店舖有售) 產品簡介:嶄新的雪葩質地,為全身肌膚補濕之餘帶來清涼快感,更散發出陣陣蜜柑果漾清香。 一吱出嚟,真係好大陣橘子味,嗰感覺好清新,好得意喎,一按開咗佢,好似有d粒粒係您嘅皮膚上咁,但再按多幾吓,吸收曬,就冇咗嗰d粒粒咁嘅嘢了! 睇吓我隻手臂有用同冇用嗰忽,都幾大分別,有用嗰部份,幾有光澤,而冇用嗰忽,好明顯幾暗啞無光! 我好鐘意佢一樣嘢,就係唔笠! 同埋佢呢種香味,可以當係噴咗果類香水咁用,個身keep住呢種怡人的香味,我至愛! 之後再試埋THE BODY SHOP維他命E雪葩補濕面霜 ~ HKD189.00 / 50ML (全線THE BODY SHOP店舖有售) 產品簡介:雪葩般的輕盈質感,觸感清涼,全日為肌膚密集補水及保持清爽。 - 容易被肌膚吸收,水份迅速滲透至肌膚底層,全日源源水潤雪葩般的輕盈質感,觸感清涼,全日為肌膚密集補水及保持清爽。 - 水漾清涼質感,保持清爽水潤不黏膩 雪葩般的輕盈質感,觸感清涼,全日為肌膚密集補水及保持清爽。 - 蘊含小麥胚芽油,為肌膚提供高度補濕及抗氧化功效。 一開,又係有少少橘子類嘅香味咁嘅?係咪我聞錯呢?應該唔係,係有少少呢隻香味! 其實個質感我有少少覺得同蜜柑身體雪葩補濕凝霜有d相似,但佢再水潤d,再易推開d!推開後,皮膚好似有浸薄膜咁,包住肌膚!同埋至like佢另一樣嘢係含有維他命E,可以靜靜地為我的肌膚抗衰老! 用後肌膚真係好有光澤,佢同蜜柑身體雪葩補濕凝霜一樣,都係有一樣我至like的,就係唔笠!用完臉部肌膚保濕之餘,仲好幼滑同好爽呢! 以上產品及產品資訊,全部由品牌提供