人開始大了，有時出席d塲合，都希望靚靚咁出席，但如果化到個妝，個人著到靚一靚，有一種特別的味道，要令人印章難忘，都幾難！ 但太俗的香水，我又唔鐘意，我比較鐘意花味重一點的香水味！因為感覺上，會少女d！而香水試用，我都係第一次，希望唔會失禮啦！今次試的是Colourmix facebook抽中的： 紫貓物語Miss Caty Cat - 玫瑰紫洋裝香水 (hkd358.00 / 50ml) ~ 各Colourmix專門店有售 個包裝真係好靚喎！又blink blink同花花圖案，未用都覺得勁少女feel喎！ 見人地多數介紹香水，多數先講咩調先的，而呢隻紫貓物語Miss Caty Cat - 玫瑰紫洋裝香水前調、中調及基調為： 前調：橙皮，粉紅葡萄柚，紅蘋果 中調：西番蓮花，蘭花，大黃，梔子 基調：廣藿香，雪松地圖集，薰衣草，香草 其實我都唔多識係咩，但我估應該合埋都唔差掛﹐哈哈！ 使用方法：首先將香水分別噴於左右手腕靜脈處，雙手中指及無名指輕觸對應手腕靜脈處，隨後輕觸雙耳後側、後頸部 扭開個貓頭，就可以用了！ 以下係我錯誤的示範，由於我要影相，所以狂吱咗幾吓，就一手都係啦，哈哈！ 如果真係用時，吱一下已經夠了！ 我先想講，唔知大家有冇遇過一d噴勁俗味的香水的人？我一聞到會馬上打乞痴的，因為太臭了！ 但紫貓物語Miss Caty Cat呢隻玫瑰紫洋裝香水，我覺得較帶花香味，很少很少的甜，又唔可以用sweet嚟形容，唔係甜美女孩嗰隻，應該話呢支香水，噴出嚟的感覺是清純的女孩咯形容，個感覺幾fresh，好自然！勁鐘意呢種味道，唔俗氣！ 我而家每天早上噴少少在耳背後及左右手腕靜脈處，個香味keep到一整日，就算去到放工，都仲有一陣微微的餘香！有時放工返到屋企，老公走埋嚟親吻我時，都仲聞到嗰陣餘香，都話個味唔錯！
